祖名涉毒罪成，身為父親，成龍自言慚愧。但係，如果由成龍做禁毒大使，成效又如何？是否有說服力？

今日新加坡內政部兼外交部高級政務部長宣佈，邀成龍擔任新加坡首名名人禁毒大使。其實，成龍已非首次任禁毒大使，09年，佢已獲邀任中國反毒品大使0架喇，豈料……

成龍今日現身新加坡接受禁毒大使委任狀，自言因為佢屋企係毒品受害者，所以對擔任反毒品大使更有責任感。成龍又話，後生仔覺得吸毒只屬個人選擇，或者覺得好玩，卻會傷身同傷害家人。佢仲話，支持向販毒者判以死刑，但只係就某些個案而言，不可一慨而論。

兒子涉毒，成龍卻獲委任為禁毒大使。今日成龍自然亦被問及祖名一事。成龍表示當佢首次發現兒子涉毒，感到震驚羞愧，但重申父子關係冇變。之前成龍接受新華社專訪時，話過:「我希望他(祖名)出來那天，也可以成為禁毒大使，把他的經過講給年輕人聽。」但祖名如今仍然閉關，在家作曲，仲未ready面對輿論同fans。

講番成龍09年獲內地委任為「中國禁毒宣傳形象大使」，當時佢曾公開表示，希望全世界嘅孩子唔好吸毒，又喺微博寫道：「16歲時爸爸離開我去澳洲工作，在機場讓我答應他兩件事：第一不要吸毒，第二不要加入黑社會。今天我要把它送給全世界的孩子。」但祖名吸毒8年，更容留柯震東等多人喺成龍北京豪宅吸毒，似乎說不過去。

http://hk.apple.nextmedia.com/enews/realtime/20150507/53713277