100萬問題：去年港姐冠軍係邊個？

1


2


3


冠軍係15號邵珮詩，亞軍係9號王卓淇，季軍係7號何艷娟。但相信大家最有印象，會係大熱倒灶、入唔到小圈子篩選選舉嘅11號吳凱欣。


11號吳凱欣因未能殺入大會評審小圈子，市民冇得揀


去年港姐玩秘密保密，由面試到特訓全部都係秘密進行，如果以一個選舉工程嚟講，有「黑箱作業」feel。而且，所謂全民投票，係由大會評判選出三強，後由「全港市民」選出冠軍。呢個評審機制，真係活脫脫預演2017假普選。


噚日(7號)，港姐陳凱琳、蔡思貝、朱千雪、劉佩玥，邵珮詩等齊到尖東香格里拉出席港姐活動。新一屆港姐又嚟喇。搞手余詠珊自然亦有出席。珊姐承認，上年樣樣搞保密，係「失敗」之舉，故今年不會重蹈覆轍。咁全民投票呢？余詠珊表示，今年會繼續全民投票，但唔同嘅係，今年可能不設大會評判，即係無篩選選舉。


陳凱琳


蔡思貝





余詠珊表示:「過去係完全係…比較專業嘅星級評判，即係大會評判。今年我哋可能將大會評判都將佢減到……未必會有大會評判，變咗做，真係俾市民揀。因為咁多年嚟我哋慢慢覺得，感覺到，市民好可靠，佢哋鍾意嘅人，係真係大家都好鍾意，咁點解我哋唔係試下，尤其我哋技術越來越成熟，咁我哋就好想試下……如果可以的話。就算今年辦唔到，出年都希望做到，真係實行全民投票。」



好一句「慢慢覺得、感覺到市民好可靠」，原來喺呢個「選舉」之下仍然有「選擇正唔正確」呢個觀念。投票結係民心所向，係市民嘅選擇。點樣分市民嘅選擇係「可靠」定「唔可靠」？標準又在哪？

如果有「對錯」嘅標準前設，咁咪即係有篩選。若無綫仍然有呢種「市民是否可靠」嘅懷疑，全民投票有難度。

點都好，無綫今次行出呢一步，向「全民無篩選」邁進，係一件好事。「CCTVB」都有真正全民投票，點解政改三人組仲要香港人袋住先、迫港人接受中央幫你揀老婆咁荒謬？

http://hk.apple.nextmedia.com/enews/realtime/20150508/53715549