今日黃金好多人都講緊一個神奇 Term：「屎袋」，皆因某個搞笑 Facebook 貼咗張相，話黃金「X星」賣緊條「屎袋必備」嘅充電線，估唔到打錯一個字會咁爆！之但係「X星」反應都超快，即刻乘勢出擊整咗真正「屎袋」嚟賣，靚自抽呀喂！

大家以為「屎袋」咁大粒錯字，乜水都抽乾晒？「X星」一於玩盡佢，特登將一隻 30,000mAh 高容量尿袋包裝做「屎袋」，仲加埋說明：「屎坑咁大嘅容量」兼「超越尿袋性能」咁話。







張牌仔仲要瘋狂自抽，寫明「完美兼容 20cm 屎袋短線」，再加埋「人誰無過　打字會錯」幾坦白呀！唔知呢個「屎袋革命」會唔會風行全腦場、甚至衝出香港呢？

http://pcm.my-magazine.me/main/News/11425