梁齊昕肥肥白白返港去咗邊？「遊埠囉！」

梁齊昕噚日先至澄清話自己唔係喺香港，而係仲遊埠中，點知，話口未完，今晚佢已經出咗嚟，現身中環出席一個香薰品牌esscentric活動。老闆娘同兩工作人員特登跑落斜路請佢上來，齊昕單飛八點正坐的士到場，set晒頭，全黑色打扮，兩肩膊頭綴以窩釘。從後面一睇，原來仲係大露背，足踏五吋高跟鞋，貫徹Chai Yan's 浮誇style。

現場只見梁齊昕肥肥白白又靚咗，髮髻上仲染咗一撮紅色，問佢係咪專登set頭？佢就話:「自己整0架！」

離開香港一排，梁齊昕肥咗白咗開心咗，同離港之前受壓憔悴樣判若兩人。問佢呢段時間去咗邊度玩？梁齊昕即以高八度聲音話:「吓？遊埠囉！」

http://hk.apple.nextmedia.com/enews/realtime/20150508/53718651

梁齊昕話好多追求者：好無聊，全部都好白癡

今晚CY女梁齊昕現身港島出席一個香薰活動，真係……就咁睇，面珠圓咗，精神好咗，差啲認唔到佢。

頭先梁齊昕以高八度聲線話自己最近去咗遊埠，咁查實去咗邊度玩？梁齊昕笑咗一下，問:「吓？」

梁齊昕又話自己好鍾意香薰，今日都有搽。再入番正題問佢係咪肥番？梁齊昕有啲尷尬咁，只係笑，身邊工作人員就猛話:「冇冇冇，邊有肥。」當記者讚梁齊昕「肥咗又靚咗喎」，梁齊昕就開心笑晒，猛話：「我冇增肥呀！」

好喇，咁離港呢段時間，係咪好多人追？梁齊昕……佢話:「好多，好無聊，但全部都好白癡。」之後仲企backdrop任影一分鐘，又驚呼:「我對鞋好高呀!」之後入咗去玩，仲落場打碟添。

http://hk.apple.nextmedia.com/enews/realtime/20150508/53718712

今晚梁齊昕一身黑到港島出席香薰活動，悉心打扮，心情靚爆，受訪時都暢所欲言:「我啱啱返嚟之嘛。」提到之前同碧咸嫂合照，佢即笑晒謂:「嘩，極度(開心)，直頭暈啦想，佢係我偶像，見到真人，勁緊張。」梁齊昕話當晚係同碧咸嫂一齊食飯，謂係有人介紹佢赴會，更大讚碧咸嫂勁nice。

講到頭先話好多男仔追，但又話佢哋好無聊「白癡」，問梁齊昕係咪唔想拍拖？佢就話:「No！呢啲男仔好…(一臉厭惡之色，罷罷手)please,oh my god！」係覺得追求者學識唔夠定點？佢即謂:「唔係！我唔係咁樣…(溝通唔到？)唔係呀，(再罷罷手，示意「唔知點講」咁)，總之唔啱啦。」

梁齊昕又話今晚咁多支咪對住佢，令佢有壓力。咁諗住幾時再離開香港？佢話:「冇呀，(會長期留喺香港？)會呀。」咁會否搵工？梁齊昕表示佢已經有嘢做緊，係屬於設計工作，但詳情暫時唔透露，只係話屬自己生意，亦有計劃用自己個名嚟做品牌。咁係咪首飾？佢點點頭話:「類似嗰啲啦。」

http://hk.apple.nextmedia.com/enews/realtime/20150508/53718833

梁齊昕噚日喺instagram上載半裸照，並留言寸爆娛樂圈，指娛樂圈及媒體行業的幕後人物是社會上「最低級的人渣」，未知是否與之前拍電影一事有關。既然今晚梁齊昕真人現身，直接問其究竟所指「人渣」係邊個？其身旁女子即表示梁齊昕唔會回應，但真性情嘅CY女就突然爆咗句:「大部份人都係。係。少數就係呢啲，好朋友。」拍拍身邊女子一下。

梁齊昕續道:「呢啲小數，得幾個。」再問及梁齊昕會否想繼續於娛樂圈發展？佢就好忟咁抬頭望天話:「我都話冇講過話……nonono，我成日見到啲咩，『我要立志』、『我嘅志願係做model』、『要入娛樂圈』，唔好講笑喇，你睇我點做model呀？我點做娛樂圈呀，唔該，please。」

即係唔諗住拍電影喇？梁齊昕搖了搖頭:「唔係呀，我唔明點解啲人會咁樣寫。我冇講過。乜乜乜立志做model，黐線。」梁齊昕又表示，返港後，仍然住喺禮賓府。

http://hk.apple.nextmedia.com/enews/realtime/20150508/53718921

齊昕IG又洗版自拍食雪茄手勢勁老練

梁齊昕昨日就喺IG蒲頭，一時post著住厚褸留言嗌凍，一時又post另外一張半裸相，佢乜嘢時候，會做啲乜嘢，真係冇人估到嫁！