強國電視台越做越多男女配對節目，參加嘅人呢，亦都越嚟越多係嚟自香港喇，最近又有一位港女現身北上搵男友呀。

呢位港女就叫咖哩，其實一聽佢講普通話，真係唔駛介紹都估到佢係嚟自香港嫁喇！

港女咖哩就Sell到自己動靜皆宜，不過，一到答問環節，即時出事喇，成個港女Tone出晒嚟，咁就未免太直接喇！當然，佢亦都已經睇中咗自己嘅目標啦，就係呢位4號嘅餐廳老闆喇！

港女咖哩就去到邊都用返佢套港女腔，面對4號呢位自己心儀嘅靚仔，究竟又搞唔搞得掂先？

片:
http://nextplus.nextmedia.com/news/recommend/20150510/195970


港女咖哩就以一口流利嘅港女腔北上玩徵友，仲睇中餐廳老闆添，不過，結果又似唔似預期呢？

搞咗一大輪，又玩Game，又答問之後，終於都要睇睇一大班男仔，邊位對港女咖哩有興趣喇，同時，佢嘅目標4號仔又嗒唔嗒佢糖先？唔只4號仔，最終就連對港女咖哩有興趣嘅男仔，一個都冇。

北上搵男友失敗收場，臨走之時，港女咖哩都要搞啲花臣說再見嘅。4號仔嘅餐廳老闆最終都係以最傳統嘅原因，性格不合拒絕咗港女咖哩，搞到咖哩都眼濕濕喇，陰公豬。

片:
http://nextplus.nextmedia.com/news/recommend/20150510/195966