【瘋傳短片】的士司機霸氣闖巴士爆粗指罵 車長關門續開車 八兩金口音：你未比錢呀，搭我車！

今晚深夜10時左右，一名自稱任職九巴的網民Kiu Wa Lam，將一條涉及的士司機和九巴司機激烈爭執的短片上載到社交網站，短短2小時內，已經被網民轉載3500次。網民紛紛留言說：「笑到肚痛」「笑到眼涙水都飛出黎！」但也有人認為：「兩個都有問題。」

影片內容顯示，一名的士司機怒氣沖衝將的士停泊在路邊，然後衝上巴士，滿嘴粗口大罵巴士司機，道：「乜事呀宜家！喂你睇唔X睇到佢點X樣呀？X你老母，我打曬燈，個頭攝撚左埋黎，佢比油？有無搞X錯呀？」

豈料，巴士司機沒有理睬他，關門開車離開。的士司機見狀頂住巴士車門大喝：「你咪關門呀嚇！你係咪玩野呀，差館係度！你係咪博炒？！嗱，你宜家未關門開車嚇哇？你係咪玩野呀！停車啦！報警！」

巴士司機以酷似藝員反駁說：「你未比錢呀，搭我車！你未比錢呀，要入錢！你坐車未入錢呀，我可以告你！」然後繼續開車。網民指，其口音跟藝員「八兩金」非常相似。

的士司機見狀，感無可奈何，霸氣頓消，轉而求和，說：「算X數啦，當我唔o岩啦，開門啦，拍硬檔！真係要走喇老細！」

網民瘋狂轉載這段影片，留言說：「哈～都唔知車左去邊，個的士佬面都青埋，乜都喺架的士度。 笑到我好辛苦呀.......！」

http://m.mingpao.com/ins/【瘋傳短片】的士司機霸氣闖巴士爆粗指罵 車長關門續開車 八兩金口音：你未比錢呀，搭我車！/web_tc/article/20150517/s00001/1431792442189

內有片