早前發起「一日一任務」嘅宅男女神黃美棋，繼「吹起朱古力波」任務後，今日佢喺微博透露，最近佢秘密練「蕉」，希望挑戰高難度任務「隔空斷蕉」：「話說我潛水潛了一陣子，其實就是秘密練“蕉”，無錯！我今次的Mission是要飛到條蕉分開兩截！」美棋BB仲拍成短片，喺短短1分鐘嘅片段中，美棋BB三番四次咁用啤牌飛向隻香蕉度，可惜一係打唔中、一係隻蕉十分「淡定」，郁都唔郁！搞到美棋BB鬼咁失落，最後仲要出「茅招」，用刀「界」斷隻蕉，再扮冇嘢咁再嘗試，結果條香蕉當然「輕易」咁斷成兩截啦！最後，黃美棋雖然挑戰「成功」，但有啲心虛嘅佢就一邊食蕉，一邊承認自己出貓，並宣布今次嘅挑戰失敗！

http://hk.on.cc/hk/bkn/cnt/entertainment/20150518/bkn-20150518192901841-0518_00862_001.html