汪明荃（阿姐）、劉松仁、王君馨及王梓軒等昨日宣傳無綫劇《華麗轉身》，期間梓軒翻唱該劇主題曲的英文版，令王君馨感動落淚！阿姐則讚不絕口：「首歌本身好靚，佢都好用心，英文詞寫得好好！」

提到梓軒臨死發狂一幕錄得30點收視佳績，阿姐說：「好耐冇試過，最緊要大家鍾意。（開續集？）問公司啦！（你想？）唔使。（梓軒角色已死，佢想拍前傳喎！）係咩？可以拍電影版，佢咁新，做戲真係好好！」

松哥呻窮冇得退休

松哥早前被阿姐大爆指點梓軒演扮傻戲，他說：「唔使點教，佢處理角色好好。（你喺《大時代》扮傻戲先經典！）劇情唔同，唔應該比較。佢準備工夫做得好足，驚佢演得好過我。」他表示內地、台灣及新加坡都有工作向他招手，卻否認荷包腫脹：「我都缺錢，想退休，所以要勤力啲。」另外，無綫外購劇《武則天》上周平均收視26點，周五最高28點。而由本月25日起，劇集播出前會先播放《武則天之眼淚的秘密》導讀。

https://hk.news.yahoo.com/阿姐乘勢叫開電影版-230028272.html