早前吳鎮宇爆seed怒插湖南衛視，呢兩日飛到去北京，除咗要出席活動之外，仲要處理囝囝Feynman受傷嘅事，今日鎮宇就回應番同湖南衛視嘅傾談結果。

鎮宇話︰「那天真的不好意思，因為其實我每天看到疤痕，聽到鑒定四個字，覺得很難受。他眼睛的視力問題，9月還會再檢查，現在可以是接受的，可以放心，沒有什麼。」

吳鎮宇又表示雙方一直由尋日(22日)傾到今早，仲有高層專程飛來北京，同鎮宇佢哋一齊傾。至於湖南衛視之前就話鎮宇冇交過任何收據。今日有記者亦都問到有關問題，鎮宇就尷尬話自己冇交到。

鎮宇話︰「單據的問題，昨天大家已經理清楚。檢查單據還要一些整頓，一張一張很麻煩。中間因為太忙了，他們又要拍這個又拍那個，我都講了，那個單據的事確定是沒有給你(湖南衛視)，但是單給你也沒有用，因為保險不是你給單就給你，所以如果大家有經驗，都應該知道保險與報銷是不同的概念。」

係電視上咁樣爆seed，唔怕湖南衛視封殺咩? 鎮宇就話冇，因為呢幾日已經搞清楚件事，仲話好感謝佢哋連續兩日處理。

http://nextplus.nextmedia.com/news/latest/20150523/202786

食蕉啦你