【斷水斷電後...】亞視女廁 1米石屎突然墮下 陳靖允逃過大難
2015年05月26日

亞視今日於大埔總台錄影《亞視光輝歲月》，邀請咗近百現職與前藝員出席。



不過活動開始前，地下女廁天花竟然有一幅約1米嘅石屎突然掉下，當時於廁所內嘅亞視前藝員陳靖允好彩未有受傷。早前亞視曾經受「斷水斷電」困擾，曾向中電要求寬限交電費1星期，如今突破掉下石屎，未知是否與日久失修有關。



事後亞視安排保安圍封現場女廁，陳靖允接受訪問時表示:「當時去緊，以為打雷，好在我喺坐廁而唔係踎廁，今朝落過黑雨，以為打雷，點知連續咁大聲就驚，事後又一直冇人聲。」問到逃過大難會否買六合彩時，佢話:「唔使，都冇乜事，意外啫。」



亞視執董葉家寶就回應:「可能因為天雨，又日久欠巡查，幸好冇人受傷。已經叫咗行政科同事加緊巡查吓，希望唔會再發生類似事件，因為保障員工同賓客安全好緊要，亦會盡快搵人修理。」






石屎墮下期間，陳靖允在現場，幸未有受傷。

就女廁發生蹋石屎事件，今日都身在亞視嘅黃日華話：「女廁唔關我事，我入唔到去，可能暴雨搞到咁唔出奇，漏水事件就多，（石屎）跌得落嚟都好誇張。出年換logo第二間公司用，呢度都要執企理啲。」張文慈自爆平日也慣用這個女廁：「我今日用咗另一個，睇新聞啲相好嚴重，好彩冇遇到。」

http://hk.apple.nextmedia.com/enews/realtime/20150526/53780265