謝安琪（Kay）今日應邀到尖沙咀，出席九倉電訊成立20週年宣傳活動，Kay主唱廣告主題曲《在雲端遇見愛》，今次特意搵嚟林俊傑作曲，Kay仲喺現場清唱一節主題曲展歌喉。

Kay表示已完成電視劇拍攝工作，終於可以一改黑髮形象，稍後會革新改變，有指劇集延遲完工造成損失，Kay說：「冇計過，拍到已經值得，但估唔到劇未播已闖出名堂，幾好丫。」

辛苦完成工作後，Kay已閂後門暫不拍劇，佢話：「好多人都問會唔會再拍，拍到劇對我係奢侈品，歌手要調動好多資源去拍劇，人哋話我今次工作量，已經可以抵兩套劇，最初大家都擔心我捱唔到，但我一直冇請病假冇遲到，呢六個月工作好似軍訓咁，保持高昂情緒做呢份工。」

http://hk.apple.nextmedia.com/enews/realtime/20150528/53788738