多年前曾經同容祖兒傳緋聞既余麗絲喺灣仔開間酒館今日開張，祖兒同經理人霍汶希出席支持。老闆娘余麗絲親自為祖兒帶手帶，搭膞合照時為一致望鏡頭，祖兒又輕敲對方頭提示。

訪問嗰時祖兒同霍汶希話冇錢所以冇一齊投資，霍汶希爆祖兒曾向自己借五萬，祖兒笑話:「啲錢俾晒媽咪，今個月都未出糧。」祖兒承認錢都放喺物業投資。

另外，最近祖兒喺內地接拍真人騷，跟運動員日日習訓兼做運動，經常要飛來飛去，霍汶希爆祖兒偷喊，有精神壓力，佢話:「一星期有一半時間喺內地，飛人生活其實幾艱巨。24小時都有鏡頭對住，有日起身發現房中廁所爆屎渠，忍咗幾日唔敢同劇組講，怕俾人拍，去第二間房廁所解決。」祖兒仲話依家瞓覺都有鏡頭影住，唔知自己係運動員定係歌手。

http://hk.apple.nextmedia.com/enews/realtime/20150601/53803097