禾花雀一向是廣東人至愛，就連本港星晨旅遊早前都推出團費79元的「一雀三味宴」一天美食團作招徠，更在宣傳單張附有貌似禾花雀菜式相片，以薑葱、豉油王及椒鹽花雀作菜單。《蘋果》記者參加了其中一團，卻發現「花雀宴」竟是乳鴿，不少團友大呻搵笨。


「等陣中午食嘅係兩個星期大嘅乳鴿，中山客家人叫BB鴿做花雀。」內地導遊文仔在羅湖口岸及深圳灣口岸，先後接了23名本港團友上旅遊巴，介紹行程前先聲明「一雀三味宴」的「雀」實際是乳鴿；絕大部份為長者的團友幾乎同時爆出失望的聲音：「嘩！有冇搞錯，乳鴿當花雀！」



負責接待「一雀三味宴」中山蘆葦大觀園餐廳的侍應，對BB鴿稱做花雀則不敢苟同，「乳鴿就係乳鴿啦，禾花雀就係禾花雀，點會一樣呢？」記者多番追問下，原本指乳鴿與禾花雀不同的餐廳負責人，得悉導遊將「BB鴿即花雀」解釋後即改口稱：「乳鴿都係雀仔嘅一種！」

對於乳鴿變花雀，導遊文仔稱：「確係有客人詐型話玩文字遊戲，呢啲就係文化差異囉！不過中山客家人真係叫兩個星期大的乳鴿做花雀喎！」對於導遊的辯解，大部份團友雖然覺得「搵笨」，但因團費平都接受：「70幾蚊車出車入，又有兩餐，明知搵笨都算啦！」不過仍有部份長者不滿說：「我真係以為係禾花雀，我都覺得俾人呃咗㗎！」記者昨日再向星晨旅遊了解，知道該「花雀宴」團推廣已結束。

記者事後在中山、順德、南海、番禺、三水等三鳥市場及客家人聚居地了解，發現答案都是「乳鴿就係乳鴿，花雀就係花雀，兩樣嘢！」


http://hk.apple.nextmedia.com/realtime/breaking/20150607/53824983


《蘋果》連日走訪珠三角，發現仍有不少識途老馬找到食禾花雀門路，但亦有食肆魚目混珠掠水，以「剪嘴」雜雀扮禾花雀。記者隨意到佛山巿南海大瀝鎮找到專賣冰鮮家禽的店主，表明來意後，張姓老闆煞有介事查看記者身份證後說：「香港人來梗係有得賣啦，不過依家貨源好緊，捉得好嚴，聽日先有貨到。陌生人想搵禾花雀呀，好難囉！」



翌日記者依約到店內，伙記從冷藏庫中拿出一個發泡膠箱，箱內冰塊中藏了一個小膠盒，打開即見50隻拇指般大小，全被剝了毛的小雀，每隻售價13.5元。張老闆興奮地說：「呢啲全部都係正宗禾花雀呀，昨晚落單，今朝從肇慶新鮮運到。……你睇雀身上啲肥膏，你吃過就一定識睇係咪正宗禾花雀。」

惟記者細看發現，該批冰鮮雀全被剪掉嘴部，且已劏好除去內臟，質疑這批只是雜雀，張老闆則支吾以對：「個嘴有毛呀，掹毛嗰時掹咗去！」其後他又自圓其說：「每個三鳥市場都有禾花雀賣，你哋咁生面口，邊個敢做你生意。……早排掃得好勁，捉到起碼罰3萬銀。」

據知，現時的禾花雀多從安徽及湖南偷運南下，有些則是肇慶農民偷偷張網捉的，但數量不多，不排除有食肆在供不應求下，以雜雀充當禾花雀圖利。不過，傳染病專科醫生曾德賢警告，進食或接觸野鳥，隨時有感染禽流感的風險。

http://hk.apple.nextmedia.com/realtime/breaking/20150607/53825358

染病唔好累街坊