仲記唔記得李蘊貼咗張反手摸到肚臍嘅相？李蘊話，最近網上流行用呢招證明自己身材好，佢當然輕易做到啦，仲加句:「我可以，但不覺得身材有多好，大家試試吧！但要量力而為，別扭傷腰喔～～哈哈！」



李蘊講得啱，話說喺強國，就有不知自量嘅女子，為咗「炫腹」夾硬嚟，結果拉傷肌肉兼甩臼，真係(數目字)出宇宙。




據網上流傳話呢，反手摸到肚臍可以證明身材好呢個荒謬諗頭，來自唔知乜乜專家之言。有網民聲稱引述美國科學家之言，消息一出，女士們紛紛傳「炫腹」照。但，查實呢招，係考驗身體柔韌度，包括手臂關節扭曲度，特別係手臂同背部肌肉嘅柔韌度，同身材好唔好無關喎。

不過呢，網上流行啲乜，啲星都會湊湊熱鬧，如人母楊冪，噚晚就貼咗張「炫腹」相求讚，牛仔短褲露出平滑小腹selfie，小蠻腰又真係幾索，真係唔多似生完B咁，又真係抵俾個like。不過寄語咁多位，試還試，量力而為，否則真係分分鐘搞到甩臼，甚至引發肩部肌肉同韌帶拉傷0架。










http://hk.apple.nextmedia.com/enews/realtime/20150611/53840217