旺角經常人頭湧湧，上週末在豉油街砵蘭街交界，就見一大班內地人踎喺度食煙，哇變成廣州火車站咁，咩料呀，原來班人擺地攤賣匯豐紀念鈔，搞到周圍十分擠迫及嘈吵。最離奇係，小販管理隊人員行過，竟然當時運高見唔到咁，口嗡嗡稟神咁自言自語，無去驅趕或發告票俾呢班大陸人，唔通小販管理隊只夠膽蝦自己香港人？

今次匯豐發行左單張、三連張及三十五連張三款百五蚊嘅紀念鈔，每款訂價為三百八十、一千三百八十元及二萬三千八百八十元，好多申請買紀念鈔既人以為可以發筆小橫財，點知人算不如天算，聽聞大陸冇人收，搞到個個炒燶曬。據知班炒家冇地方出貨，只好去旺角擺街踫運氣。不過咁講，面值百五蚊既紀念鈔，輸極都有百五蚊打底，點都好過一啲細價股票，分分鐘會冇九成以上呀陰功。


片"
http://nextplus.nextmedia.com/news/latest/20150615/213897