北河燒臘店老闆陳灼明（明哥），在深水埗超過十年，以派發待用餐券做慈善而聞名。在北河燒臘店，食一個單餸飯只要十六元，兩餸飯亦只需二十二元，而且選擇頗多，如蘿蔔牛腩、咖哩薯仔雞翼等，保證飽肚，甚有家常風味。

明哥坦言，在香港做餐廳、賺錢難，要做賺少啲嘅餐廳，更難。因為售價太便宜，明哥引起附近同行不滿，認為頂爛市，明哥感到無奈，並想出「慈善」方式解決：「我賣平飯，除咗影響附近嘅餐廳，仲會影響菜檔生果檔。因為啲人食完平飯，或者用代用券食免費飯，就唔會買生果、唔會自己煮飯、又唔會買調味料，搞到連雜貨鋪都無生意。所以我都諗咗好多方法，去平衡社區利益。」

例如，明哥會將調味料大量入貨，或者向社企低價買入，再免費送部份給雜貨鋪，減輕他們的成本。同時他又會將鋪頭盈餘，在附近鋪頭買生果，再送給老人院。他說：「我買完佢哋啲生果，令到佢哋有生意做，我又可以做善事，一舉兩得。另外，派飯唔好喺鋪頭派，搵義工用車送出去派，咁咪唔會搶走附近餐廳嘅生意，又唔會有太多人嚟排隊。」

片:
http://nextplus.nextmedia.com/news/spot/20150621/216495