先要承認我其實成日喺街上X登

X登喺呢幾個月間變質得好快（我主要上時事台）

前排政改時期，有人（好似係體育台班ching ）喺咁講「坑爹」等蝗語，喺時事台洗板
之後又有人瘋狂講食狗肉，再有反同性戀
開一大堆post喺時事台，將近排嘅一啲香港大事洗去

除咗用一啲有爭議性嘅道德問題洗板外，重有意識上嘅潛移默化
例如有人不斷踩低台灣（特別係藉八仙事件）
老老實實，喺國際上，對香港人處境最理解／同情嘅，就係台灣同日本
日本可能太難打，所以打住台灣先
將台灣貶到同大陸一樣

又要話班傷者（而家有埋死者 ）抵死

今日黃之鋒被打一事
X登同樣係黐咗線，成班人笑佢點解唔還擊／唔夠打

我唔知係因為X登仔集體墮落，定係有五毛大軍入侵
但我真係好唔希望膠登步佢哋後塵

利申：呢兩年嚟都覺得自己係膠登人，冇覺得過自己係X登人