講起3號有多人都一定諗起V3
但係原來喺1972年果陣石之林章太郎曾經推出過「幻之拉打」3號
但係因為外型太似1 & 2號，所以無被採用，而改用外型上比較突破嘅V3

好啦，其實而上嘅事係同套戲無關嘅，大家可以無視
咁講番套戲先
今次嘅拉打大戰再唔係因為愛回家式嘅誤會而打，而真係有一個確實嘅原因去打
個故事太約係1&2號打完大首領之後見到3號，仲要比3號秒咗
之後成個拉打歷史變哂，好多拉打都成為咗Shocker嘅走狗，Shocker都佔領咗成個世界
故事主角泊進之介(drive)都變成一個忠於Shocker嘅黑警
之後因為見到一D仲保持住正義之心嘅前輩拉打比Shocker用賤招打敗同埋自己嘅朋友被殺，佢嘅正義之心都開始再次醒覺
喺呢個時候3號再次出現幫助drive
到底殺咗1 & 2號嘅3號係敵人定係朋友呢...咁就要你自己睇啦，廢事透哂

其實喺拉打嘅劇場版打鬥方面方面一直都有一定水準，今次都唔例外
而出場人物方面東映都好有心，請咗幾個前輩番嚟
有中村優一做番櫻井侑斗，大塚芳忠都配番肥四
劍四子仲要用番原配，校長仲要出埋樣
但係半田健人嘅出場就唔夠氣勢同埋佢嘅戲份太小，呢方面有d可惜
今次南光太郎都會登場，話哂佢都好似係第一個有大型車嘅拉打
而今次black同rx都會出場，不過唔會同時出現，呢到我就唔講太多，廢事透哂
Grand Prix方面成班拉打都犯哂規，又子彈又clock up，仲要有人中途加入，我心諗：'屌，你玩哂啦'
最好笑係佢話個拉打渣車快就係最強拉打，咁計嘅甲蟲王者同555咪係神級
而呢到比較可惜嘅係Den-Liner同Zero-Liner無一齊比賽
今次我最深刻嘅係南光太郎講拉打係保護人嘅夢想而存在，真係超型
今套戲有一個拉打死咗，我諗拉打迷都知係邊個
佢喺呢個故事之後仲要死多幾次
講到明係超級英雄大戰就一定有戰隊出現，今次係忍忍者，賣玩具劇情唔想多講

到最後呢套戲令我知道原來香港都有女仔中意拉打
p.s.個女仔坐我左手邊
p.s.個p.s.個女仔可能覺得我太毒，去到片尾播歌中段已經走咗
p.s.個p.s.個p.s.個女仔無睇埋片尾曲係走咗寶，因為片尾曲之後仲有小小劇情，如果係入場睇嘅巴打記得要睇埋佢