相信做公主都係好多女仔嘅夢想，但係點先可以做公主呢？方法一：就係搵個王子，嫁入皇室咪做咗公主囉。方法二：有個做皇帝嘅爸爸。方法三：就係搵到一個好鍚自己嘅男人，咁咪可以成為佢心目中嘅公主囉。其實仲有方法四：就係有個做特首嘅爸爸，都可以係公主0架。點解咁講，因為係特首女，公主梁齊昕教嘅。




事關噚日齊日就係IG貼咗張圖，圖中就用英文寫住：「我是公主，不是因為我有個王子，只是我爸爸就是皇帝。」而齊昕自己都話佢唔需要一個王子，因為佢已經有佢爸爸喎，咁即係話佢爸爸係國王喎，唔知有幾多香港人會認同呢？雖然都知齊昕可能係講笑，不佢成日都貼埋呢啲奇文，行為又咁奇特，真係當自己係公主都唔奇。


另外，日前齊昕就貼咗張相，就佢出席一啲活動，不過張相呢就有啲古怪，點解咁講，因為齊昕對腳仲幼過對手，相信原因得兩個，一係佢執相執得太勁，一係佢真係對腳幼過手，大家又覺得會係咩呢？連高登瓊姐都有開po講呢事，證明齊昕幾受人注意。

http://hk.apple.nextmedia.com/enews/realtime/20150712/53964006