今日有周刊指，有網民喺facebook及高登開post，爆吳若希疑喺尖沙嘴聲雅廊夜場工作，仲話佢個花名叫「咖喱」，據知，吳若希未入行之前，英文名叫「Curry」，似乎同呢個花名有啲脗合。



據周刊曾向尖沙咀聲雅廊夜場問過一個club女「B小姐」聲稱，吳若希3年前應該做過，有聽過呢度啲「媽咪」講過，不過佢入職時，自己未喺度工作，只係知對方之前曾返工，之後有個「唱片公司嗰個」捧佢，周刊都曾問過吳若希求證，吳若希先係愕一愕然，只係話講咗好耐喇，未有正面回應!

周刊又指，翻查過「聲雅廊」嘅facebook見有吳若希口中嘅「契爺」成龍及曾志偉等人嘅合照，據知聲雅廊喺九十年代開業，出名消費高，唔少圈中人係座上客。

本報今日向吳若希求證，佢講：「Sorry!唔答得，同埋唔係事實嘅嘢，都唔會回應!」


http://hk.apple.nextmedia.com/enews/realtime/20150714/53969802


上次傳墮胎佢又係話冇呀唔答得


憑超級洗腦歌《越難越愛》爆紅的吳若希，現年只有二十二歲，由福建來港後曾逼住公屋，入行短短四年，火速升呢進駐何文田豪宅揸Range Rover出入，不但生活質素一飛沖天，感情世界更多姿多采，昨驚爆她曾為比自己大十五年的前度吞安眠藥自殺，有傳新歡是現年五十七歲的股壇狙擊手王弼燮，越老越愛的吳若希昨笑晒口開工，果然無懼世事變改，還是越難越愛。

她的感情：被指為情自殺
吳若希近期憑洗腦歌《越難越愛》人氣爆燈，身為無綫「親生女」的她輕易撼低謝安琪，獲勁歌金曲頒獎禮「金曲金獎」，感情生活更加精采過人。年紀輕輕的吳若希，原來對成熟阿叔輩男人情有獨鍾，前度的年紀就比她年長十五歲，兩人本來打得火熱，怎知卻遭男友媽咪反對棒打鴛鴦，兩人於前年分手後，吳若希不久更生了功能性水瘤屙血，身心大受打擊的她患上抑鬱要食藥，曾吞一樽安眠藥自殺。
青春就是本錢的吳若希，好快已走出失戀陰霾，最近更傳搭上現年五十七歲的股壇狙擊手新歡王弼燮，有指兩人的忘年戀已秘撻近一年，吳若希更帶男友見家長。曾坦言唔能夠接受三十四歲以下男人的她，似乎真的是越老越愛，難怪昨日雖然爆出曾吞一樽安眠藥自殺的消息，但吳若希心情沒受半點影響，昨如常返將軍澳錄影電視節目，約下午五時收工後搭的士到觀塘，落車後對記者說：「我嚟攞車，你哋搞到我唔敢攞。」問到自殺和戀父傳聞，她說：「總之傳聞性嘅嘢唔回應。」之後即搭的士返家食媽咪煮的富貴鮑魚麵，還貼相上微博晒命。

http://hk.apple.nextmedia.com/entertainment/first/20150128/19018744

被傳曾墮胎
吳若希：冇呀唔答得
吳若希自狠批佔中後，負面新聞不絕。昨日有報道指屬「世界女」的吳若希跟稱呼做「爸B」的現任老闆何哲圖關係良好，又與叫「爹哋」的前經理人戴榮添（Simon）關係密切，吳若希經「爹哋」介紹認識成龍，在今年年初成龍擺60大壽時，入行短短幾年的吳若希已成為坐上客。
傳聞吳若希已經是成龍的契女，所以後台夠硬，而且近年工作機會倍增，又忽然富貴，租住4萬元何文田千呎豪宅，自駕80萬Range Rover。昨日記者致電吳若希求證，她否認是成龍契女：「唔係呀！唔答得你呀！」對於坊間傳聞她曾經墮胎，吳若希亦否認說：「冇呀！唔答得，唔好意思！」


http://hk.apple.nextmedia.com/entertainment/art/20141022/18907654