自拍棍係好多地方唔俾用就聽得多啦! 想唔到有一個地方竟然下令唔俾人自拍擺上網，呢個地方咁專制，當然係大台無綫啦!


今日有報導指大台下令唔比藝人係開緊工嘅時候，自拍擺上網同fans分享工作情況，指戲服有版權，又謂唔想劇情太早曝光。對於一眾藝人來講真係叫苦連天，有fans要求合照，都要統統say no，唔知仲以為個藝人扮大牌，如果真係要照，真係分分鐘要自己搵塊布包實自己。

據知大台想推出自家app，焗班藝人只可以係自家app度po相/片，所以下令他們不可將照片擺上個人微博及instagram等等社交平台。一眾藝人如果要po相，真係要諗下po咩先得。其實藝人係個人社交平台分享下工作情況，是一件非常正常的事，一來可以為劇集宣傳，二來又可以保持藝人嘅曝光率，可以謂對大台百利而無一害。

依家大台為咗自家app，搞到出「禁制令」咁，真係同強國無異。

http://nextplus.nextmedia.com/news/latest/20150714/228258