到底啲相會唔會抽起？


Celine妹妹咁可愛，由佢口中話有「艷遇」絕對信得過。


仲自爆喊相被抽起唔開心呀。


對於自己有啲寫真相愈着愈少布，Celine話自己平時喺屋企都係咁着。


原本媽咪都仲有講有笑。


傾傾吓再見到內褲相同疑似走光相，表情即刻轉。


仲傾到好似想走人咁。


Celine好得意呀！

童星楊鎧凝（Celine）到西九龍出席相集簽名發布會，宣傳其寫真集《童萌時光》，見慣大場面的Celine穿短褲仔上台，又毫不怯場，興奮大擺甫士及喜怒哀樂表情，只得6歲半的她以小朋友腔主持遊戲環節，令全場充滿歡樂氣氛。

提到在韓國拍寫真，Celine最難忘玩滑梯，食薯片炸雞，又搞笑說：「我唔飲啤酒！」又自誇穿韓服夠靚！Celine更自爆遊韓有「艷遇」：「有個韓國男仔小朋友同我玩，佢好似5歲，佢表演咬住個風箏飛。（你哋點溝通？）用手勢，你拍我、我拍你。」Celine在寫真中演繹喜怒樂，但喊相最終被抽起，她埋怨攝影師說：「喊咗但冇出到，即係玩嘢！」笑爆全場！

事後提到與韓國男仔玩耍，問到對方是否靚仔？她怕醜細細聲說：「唔好畀周柏豪聽到呀！」講到相集中有的造型很少布，她表示屋企都穿很少衫，而且室內唔怕凍，問會否與同學仔分享相集？她表示不會。
至於Celine母親竟表示之前未看過相片，相片全由攝影師揀選，對於有疑似引人遐想相片，Celine母愕然說：「我都係啱啱睇到，都健康呀！佢都拍過內衣褲廣告。（踎地相似走光？）玩蟻竇嘛！」其後她看到Celine穿內褲相即黑晒面，問會否抽起相片？她表示要問攝影師，而覺得相集是否合格？她再黑面說：「我啱啱睇咋！」

至於攝影師Ronald認為相集絕不色情：「日本嘅寫真等於相集，到香港就變咗唔同感覺，本身有遐想嘅人就任何一張相都可以有！Celine賣嘅係天真可愛。」

http://hk.on.cc/hk/bkn/cnt/entertainment/20150714/bkn-20150714133930441-0714_00862_001.html