我有個92歲嘅爺爺入咗院好耐，病情輾轉反復
由開頭跌親到手術康復中，跟住又因為心臟功能轉差同肺炎再入院
佢插過喉，我見過個人好辛苦嘅一面，唔想再見到佢咁辛苦，亦都唔想佢咁辛苦
插完喉肺炎康復中跟住個人就訓咗喺床好耐好耐，一時可以好精靈好醒目咁應到我，一時個人又好攰
到而家肺炎又復發，食野同控制肌肉都好難，啲野食直情喺佢個口度流返出來
頭先重要聽到話我阿爺對面床個阿伯見到我爺食唔到野，朝早同晏晝都無人餵，我個心真係好痛

醫生建議幫我爺爺插鼻胃管，用鼻胃管餵食，咁樣可以令我爺爺補充返啲營養先
但係另一方面我屋企人又覺得阿爺又再插喉會好辛苦
我叫佢哋問下醫生睇下插鼻胃管會唔會好似插喉咁辛苦
大家又知唔知兩樣係咪一樣咁辛苦？大家點睇？