李克強讀成李克勤嘅前無綫主播陳珍妮，出書大爆新聞部血淚史，聲稱被針對之餘，仲話因為編更混亂，搞到後期返工要啪安眠藥。結果？爆得人多自有人爆你啦！

講到咁辛酸，但同行就唔係咁諗喇。先有另一無綫前主播林昭儀話：「齋讀都可以讀到抑鬱，記者們該抑鬱到自殺，然後投了無限次胎吧！說出來一點不覺得丟架嗎？」



而陳珍妮舊同事，兼前亞視記者嚴劍豪就喺Facebook寫一大篇，暗寸佢成日掛住喺女廁化妝，又話自己都應該出番本《變態男主播呻吟檔案之葡萄成熟時》。

俾咁多同行藐爆，全因陳珍妮工作態度真係麻麻，做嘢成日遲到擺款之外，仲試過話唔舒服而甩cast，搞到要同事頂替佢入廠，點知轉頭俾人見到佢同人猛咁吹水，似係吹到唔記得開工多啲喎！

做嘢冇交帶，感情關係亦好混亂，有人爆佢專搵有錢仔拍拖，有著落喇，又繼續喺新聞部溝仔。之前佢同姓劉嘅體育版記者行埋，男方仲為接送佢而買咗架車，點知有拍拖撞到其他同事，陳珍妮即刻揈開男方隻手，自稱單身。二人之後分手，成班大台記者同主播都開晒香檳，恭喜男方甩難。

http://nextplus.nextmedia.com/news/latest/20150715/229114


前無綫主播陳珍妮出「自傳」《TVB新聞部血淚史》，舊同事包括傳聞中的死敵林昭儀、嚴劍豪等出言嘲諷，前者更不開名指有人「丟架」。陳珍妮今晚到會展出席簽名會時，記者問佢:「你啲舊同事都好似唔撐你喎。」陳珍妮即謂:「我冇諗過佢哋會撐我喎。」可覺得是因為自己的態度問題，因而發生咁多不愉快事件，陳珍妮諗咗一陣，回應道:「如果呢個社會，有九個人都選擇A，覺得A係啱嘅，而其他就係錯嘅，咁呢個諗法都係太表面囉。」


咁有冇舊同事係同你fd嘅呢？陳珍妮表示:「都有，佢哋都會買書，但至於邊個，就唔係咁方便開名，因為有啲仲係在職嘅。」

對於林昭儀出到「丟架」此語，陳珍妮即謂:「其實我同佢唔係好熟，但係我都會尊重佢講嘅嘢。」

既然本書反應咁大，可有計劃出part 2？陳珍妮話，其實最初唔係諗呢個題材，最初係想出小說，不過呢個係安排嘅問題。(咁係咪出版社要求你寫呢個題材？)咁又唔係，大家協調嘅啫。」

http://hk.apple.nextmedia.com/enews/realtime/20150716/53981469



說好的8點鐘書展簽名會，陳珍妮果真準時到達，並大方受訪。現場fans不多，大約派發約150個籌，但暫得廿多人排隊，不過就吸引十多名傳媒到場。


陳珍妮今日身穿白色露肩長tee，一臉沒精打采，但簽名時仍露出笑容。問佢可有留意佢本《TVB新聞部血淚史》推出後，負評不少，當中亦不少前主播或舊同事留言寸爆。陳珍妮露出一絲不屑的表情:「都知嘅，自己都有留意，不過香港係一個有言論自由嘅社會。」至於舊同事認為佢唔應該喺離職後重提舊事結集成書，陳珍妮仍是一抹不屑表情說:「都係嗰句，香港係一個有言論自由嘅社會，同埋我都係講自己嘅故事啫。」

問到可擔心出書後，將來難以重投主播一職呢？陳珍妮就話:「我冇諗呢個問題喎。(可知銷量？)未問，只係知道最初係印咗二千本。」

咁，陳珍妮喺書中痛批上司不公，只愛擦鞋，包括管理層樹先生、上司S等等，更寫道謂即使事隔多年，一直未忘。問陳珍妮可會想將呢本書送俾舊上司？佢就話:「我諗佢哋都冇興趣睇囉。」

其實之前有傳媒問過無綫點睇，當時無綫官方答案就話呢件事唔值得回應，對此陳珍妮話:「無所謂，我都冇期望過。」

http://hk.apple.nextmedia.com/enews/realtime/20150716/53981396