: 點解阿 嗚.... 你想要啲咩 我咪改囉 鳴.. 分咩手姐 我唔分阿
: ....
: 你唔想我做呢份工我咪唔做囉 唔分手阿 鳴.. 我聽日就辭工 唔好分手阿 好無阿 鳴......
: ... 你知道嗎.. OO .. 我其實對自己好失望.. 你始終唔明一樣野
: 鳴... 咩唔明姐 我唔明你咪講到我明囉 鳴... 成日都話我唔了解你 點解啵.. 鳴...
: 我對自己既失望係.. 我始終都唔係一個可以令你改變既男人.. 對唔住..
: ... 鳴.. 唔好阿.. 鳴... 唔分手阿 鳴.. 鳴....

係講完對唔住既一刻 我就已經轉身走左 我唔想佢睇到我既雙眼已經充滿淚水
因為我知道自己唔捨得 如果回頭望既話我就會堅持唔到呢個決定


故事既開始係我讀完IVE去澳洲讀大學(所謂既大學) 22歲既呢一年
係我讀完IVE之後遊手好閒之下 有朋友去左澳洲 working holiday
係佢既遊說下 我決定同屋企人講要去澳洲讀書
我既屋企人亦都無太大既反應 只不過係冷冷咁講左句

: 鍾意咪做囉 想去咪去囉 但係我最多幫你交學費 其他你自己搞掂 你都係時候係去獨立下

其實對於每日都打下LOL 同朋友出街睇下戲 食下飯生活得十分頹廢既我 都有啲擔心
擔心去到個邊既生活 一向食開屋企 英文又唔係幾好既我 仲要自己打工賺生活費
會唔會搵唔到工係個面餓死嫁 雖然都有做過幾份 Part time 但係始終工作經驗都好少
又無咩特別技能 強項 就如同我朋友形容我一樣 "你真係同個廢柴無咩分別"
我忍唔住同屋企人再提出一下

: 生活費都得... 但係房租有冇得傾先?
: 得 無問題啦

呢句無問題當然出自我親愛既母親既口 都係媽媽好!






待續.




(第一次寫文 打錯字 錯文法唔好介意 )