天津大爆炸震驚全球，雖然毒氣未必飄到來香港，但我地每日都有食「祖國恩惠」，就係供港菜。

香港政府網頁連結半年後繼續死link，好在小編都有蒲開大陸農業網，終於搵到呢份名單。

天津局共有７間供港蔬菜基地，蔬菜種類有西蘭花、白菜、青蘿蔔、紅蘿蔔同西芹等等，佔地約447公頃，唔算多。但如果山埃等毒氣繼續燒，吹出海影響埋渤海沿岸各省就大劑了。大家要知道山東省係供港菜最大省之一，有７８間農場，佔地1,153公頃，香港有四份一的菜源自山東省......

大陸掛住播韓劇時，仲要連有咩危險品都唔未清楚，不少消防員就係咁被累死。香港政府又知唔知道有咩要驗呢？如果照常驗農藥，個檢測數字一定靚過天津空氣污染指數！

政府會點回應？有冇對應洪瑞珍三文治咁主動？查鉛水都要拖9個月，香港人都唔知食左幾多毒了。與其儲錢睇醫生，不如俾多幾蚊食本地菜好過啦！大家明白點解要復興本土農業未？將食物外判俾外地，同時都外判了健康。

最後謹願死難者安息，更希望真相盡快水落石出，別讓更多人受苦。
http://www.inmediahk.net/node/1036735