張建宗有特殊癖好 一打呔就興奮

要數梁班子工作狅，一定有勞工及福利局局長張建宗份啦，八方聽聞佢好早返office，放假都忙於工作。

佢最近接受馬會刊物《駿步人生》專訪時，就自爆有特殊癖好，每日返工前對住塊鏡打呔，就已經開始興奮，原來佢每朝五點半就起身，一邊運動一邊睇新聞，到咗8點人哋仲開始趕返工，佢就已經完成好多工作；就連放假，佢都日睇十幾份報紙兼追看電視新聞，風雨不改㗎。

成世人只打過一份工，張建宗話為官40年，最難忘2010年通過最低工資立法，佢單人匹馬面對40幾條不友善修訂，亦因當時嘅議事規則不設休會，27個鐘頭冇離開過會議廳，認真陰功豬。雖然辛苦咋，但佢話對呢份工終身無悔。