銅鑼灣再上演「三級真人騷」！星期五傍晚6時許，讀者黎先生，於銅鑼灣駱克道公司去洗手間時向窗外看，赫見一對男女「性戰士」在唐樓天台親熱激吻，「個男人冇着衫，（兩人）攬埋一舊」，他立即取出手機拍攝。兩人越趨大膽，情到濃時女方更跪低，疑似替男子口交，全程約5分鐘。

黎先生表示：「嗰個位係人都見到，睇到覺得（兩人）好猖狂！」據他所知，該天台至少被7幢較高商業大廈包圍，他直斥二人行為過份：「銅鑼灣呢啲位，仲要喺咁底層，唔知佢（哋）想show off（晒命）定做咩，咁都夠膽......。自制能力咁低，唔明（佢哋）咩心態，呢一刻慾火焚身。」他認為二人應回家或到時鐘酒店進行上述行為，不應節省數百元租房費，如被小朋友看到不太好。

晚上，記者到過該對男女打野戰的銅鑼灣駱克道506至508號天台了解，見門上貼有告示指該處為「私家重地，嚴禁進入」，但天台並無上鎖。記者所見，天台空無一人，現場除了遺下一張圓枱和一張空凳外，還有一個空酒樽、膠水樽及一盒已開啟的安全套，枱上亦有一個玻璃酒樽及數粒電芯。
























































http://hk.apple.nextmedia.com/realtime/breaking/20150919/54221732