我覺得自己好無用，eq真係好低。都成年人十八歲啦！點解仲未可以令自己個心舒服啲，再收拾好心情，投放時間落正事度！

今個禮拜日朝頭早，即係十月二十五日，我呀媽正式同我講我老豆患咗末期胰臟癌，已經擴散曬。打咗999 call白車去醫院，喺途中我同我呀媽喊到七彩。返番嚟屋企，呀爸病情反反覆覆，佢口講好啲無咁痛，但係咁捽藥酒，我就估到佢咁講只係想我哋安心啲有覺好瞓。個心好痛呀！個心頂住頂住，而家日日返學好似機械式咁，之前個零月可以無憂無慮摺拉溫書，我近日要早啲返屋企，我一踏入家門就覺得個心好似俾人捏緊咁。好痛苦，呢幾日係我溫書進度最差嘅幾日，乜都無溫過，我好辛苦。上堂可以暫時止住我淚水，但一到夜晚我就忍唔到，見到呀爸咁辛苦好難受。