呢個係十月嘅參選宣言，大致適用：

雖然我上過唔少論壇，但係第一個畀到我覺得係屬於我／我屬於嘅論壇，就係呢個論壇。

可能我見識少，但係由民選內務長嚟執行版規，決定ban與unban，呢度只此一家。

而且，呢度冇啲無厘頭嘅功能（例如積分、簽名），亦有一啲十分實用嘅功能（例如投票），提供一個十分好嘅討論環境。

最重要嘅係，呢度嘅會員（大多數）都相當高質，例如本人最常出沒嘅動漫台，或者係充滿劣食嘅飲食台。其中當然唔少得大家都上嘅時事台，冇某啲垃圾論壇嘅五毛，亦冇高登咁多打手。

因此，我希望能夠成為內務長，推動內務改革，並會向admin建議加入更多有用嘅功能。

希望大家投我劉病已一票。

而點解我今次要繼續參選呢？

之前Metalist應該提過，本屆內務長喺任期完之前，會推出內務改革方案（而家準備緊）。呢個方案係對現行封鎖機制嘅大革新，希望大家支持。

而如果方案能夠獲得通過，我希望能夠透過內務長一職，去協助其他內務長順利執行本方案；如果不獲通過，我亦希望再接再厲，推行新嘅改革方案。

呢個就係我繼續參選嘅原因；除此之外，我其實更想以普通會員身份，係本壇多啲發言。（做咗內務長之後好似少咗。）

（政綱喺下面）