美國駐港總領事夏千福上任後食勻全港，仲過大海去埋澳門嘆正宗地道葡國菜；
八方相信唔少食肆都等緊夏千福大駕光臨，其中一間肯定係市民最愛聯群結隊
「挑機打大佬」嘅明將壽司啦！明將壽司日前亦主動出擊，喺美領館facebook
留言，歡迎夏千福光臨西九龍中心分店，想佢一嚐「希靈魚軍艦」，被網民形容
為「希靈魚外交」。點解係希靈魚軍艦？八方聽聞除咗紅豆壽司，希靈魚軍艦都
係明將「巨獻」！八方噚日打去西九龍明將分店，想查詢邀請夏千福到訪詳情，
點知接電話嘅職員話負責人行開咗，呢排放暑假仲好鬼忙喎，睇嚟呢場「希靈魚
外交」，短期內上演無期。