自行轉移票制：

每人一票。
得票多於25%者，優先當選。

有三個優先當選者，就直接一齊當選。
如果得一個優先當選者，佢可以將多出嚟嘅票數（即係多過25%嘅票）過畀另一個人。嗰個人甚至可以唔係參選人
如果有兩個優先當選者，票王可以將多出嚟嘅票過畀另一個人。或者同第二多票嗰個，傾好夾埋一齊將多出嚟嘅票過畀另一個人。
如果可以過嘅票有好多，多過25%，就可以將突出嚟嘅再過畀多一個人。
「過票」歷時一日，如果被過票嗰個唔係參選人，就要開post表明接受。

參選人喺選之前可以開post表明自己會過票畀邊個，講明咗就冇得改。喺投票嘅時候，都會講明佢會過票畀邊個，例如：Metalist（→友利奈緒老公→MesutOzilBB） 亦可以講明唔會過票

比而家嘅機制嘅好處係，有25.01%支持就可以確保一席，等少數派不至於毫無代表。而有得「過票」，亦能降低配票嘅需要。


放棄解禁蕃茄台：

admins明確表示過對app會畀google/apple bam嘅憂慮，而我亦見到有唔少會員反對喺app度上唔到蕃茄台。因此，喺revamp有更好嘅解決方法之前，我會放棄解禁蕃茄台 。但歡迎繼任嘅內務長繼續推動呢件事