旅遊臺
發表文章發起投票回覆
下一頁
[長文]大東京鐵路新手簡易攻略
作者:劉病已

注意:本文係畀超新手睇嘅,老手可以直接上一頁,或者幫手睇下我有咩講錯#adore#

引子 何處是東京?

嚴格嚟講,日本冇一個「東京市」。「東京都」倒是有一個。咩係「東京都」?話說日本嘅一級行政區(即是國家以下嘅最大分區,類似中國嘅「省/自治區/直轄市/特別行政區」咁樣)係「都/道/府/縣」,「都」只有一個,就係「東京都」。

(BTW,「道」=北海道,「府」=大阪府、京都府,其他全部都係縣,最出名嘅應該係……福島縣?)

(再BTW,日本有二十個「政令指定都市」,即是特別大嘅城市。其中唔包括東京,因為東京係特別嘅。[slick] 而唔係「政令指定都市」嘅城市,基本上都可以當做係鄉下。[369]

東京都其實好大,大家睇下google map就會見到,大到連喺太平洋中間嘅小笠原群島都屬於東京都。

而大家一般最常講嘅「東京」,其實係東京都(唔計啲島)東部、臨近東京灣嘅廿三個「區」,又統稱為「東京都區部」。



一啲廣為人知嘅東京地標,例如東京鐵塔、淺草雷門,或者靖國神社,同埋天皇住嘅皇居,都係喺23區入面。

但因為東京實在係太大嘅城市(我會稱之為「city of cities」),以致佢周圍嘅其他城市都十分繁華,所以東京嘅鐵路網,好自然就延伸到周邊嘅地區。因此本文標題為「大東京」,包含東京23區及周邊嘅地區:大約西至八王子市、東至千葉市、北至埼玉市、南至橫濱市。

而講到東京嘅鐵路,冇可能唔講嘅,當然就係山手線。Z_Z

(待打)

Good 24Bad 3
04/06/16 12:20 AM
引用快速引用

本貼文共有 700 個回覆
山手線平均每日幾多人跳軌
#104/06/16 12:34 AM
引用快速引用
山手線平均每日幾多人跳軌


好似京浜東北線多啲喎#oh#
#204/06/16 12:36 AM
引用快速引用
山手線平均每日幾多人跳軌


好似京浜東北線多啲喎#oh#

山手線有幕門,難啲跳
#304/06/16 12:40 AM
引用快速引用
#oh#
#404/06/16 12:43 AM
引用快速引用
OP
#504/06/16 12:45 AM
引用快速引用
幫推!
#604/06/16 1:20 AM
引用快速引用
#adore#
#704/06/16 2:36 AM
引用快速引用
#adore#
#804/06/16 2:37 AM
引用快速引用
睇google earth view

就知東京由都心開始啲密集建築物差唔多延伸到富士山腳

識睇地圖係東京生活入門

#904/06/16 2:44 AM
引用快速引用
:P
#1004/06/16 2:49 AM
引用快速引用
一 圓圈加十字

喺google map開東京嚟睇,就會見到中間有塊畀條河圍住綠地——天皇(同佳子公主)所居住嘅皇居。當然冇任何鐵路可以穿過皇居,因此最自然嘅鐵路路線,當然係圍住皇居兜一個圈啦。



呢條就係JR嘅山手線。老老實實,唔係就咁圍住皇居圍一個圈仔,而係圍咗一個幾大個圈。(實際上,皇居位於東京站嘅西側,但距離東京站「對面」嘅新宿站相當遠。)理所當然,有順時針同逆時針兩個方向嘅列車。

(註:當年嘅日本國有鐵路,私有化之後變咗叫JR。JR分咗做唔同嘅區域,例如北海道、九州;而東京嘅JR幾乎全部都係屬於JR東日本。)

山手線接近經過曬東京嘅重要區域(定係因為有山手線經過,所以先會成為重要區域[banghead] ),最需要知道嘅站有六個:
東面嘅東京站:大部份新幹線都以此為總站,可以話係全日本嘅中央車站[banghead] ;站本身位於丸之內,大約類似係中環
東南嘅品川站:東京嘅第二個新幹線站,但本身冇咩睇
西南嘅渋谷站:(以前)有好多搽到成身黑曬嘅女,好似係#lol# shopping嘅地方
西面嘅新宿站:全日本最繁華嘅地方,東京都政府所在;新宿站亦係全日本結構最複雜嘅站,好易蕩失路
西北嘅池袋站:其實都係shopping嘅地方,唔識形容#ass#
東北嘅上野站:有幾間博物館,同埋櫻花季節充滿強國人嘅上野恩賜公園就喺隔離;東京嘅第三個新幹線站

除咗因為呢幾個地方去日本冇可能唔去(唔計品川啦),同埋好多其他鐵路路線要喺呢幾個站轉車(都係唔計品川)之外,認得呢幾個站嘅位置,係因為要知道搭去邊個方向嘅車。喺月台指示牌上面,順時針係「外回り」,逆時針係「内回り」——因為好難睇得明,所以指示牌上面會寫埋去邊個站。

例如而家你喺東京,順時針嘅列車,指示牌上面就會寫「品川.渋谷方面」;逆時針就係「上野.池袋方面」。而站牌永遠都係用呢六個站做指示,唔會出現咩「秋葉原方面」。

當然,如果你想去上野嘅話,搭順時針嘅車都唔係唔得嘅,只不過會兜咗大半個圈囉。

講開秋葉原,秋葉原站喺上野同東京中間,算係交通樞紐,同埋去東京必去之地,我話嘅。

最後,山手線嘅車好密(一般三、四分鐘一班),而且每個站都停,所以唔驚企喺月台有排等/上錯特急。
#1104/06/16 2:22 PM
引用快速引用
#1204/06/16 2:38 PM
引用快速引用
山手線係圓圈,跟住重有個十字。十字者,一橫一直,先講橫。


黃色嗰條,由東至西嘅,就係中央總武線(日文全名「中央・総武緩行線」,先唔好理點解中間有一點)。仔細睇你會見到有條青色嘅山手線;其他線可以唔使理佢住。

如果要由皇居東面去西面,搭山手線兜大圈未免太嘥時間。所以有條打橫穿越東京嘅中央總武線,而且同山手線一樣,密而且站站停。

不過有樣嘢衰嘅係,唔係架架中央總武線都係由西面嘅三鷹出發,然後以千葉為終點。好多時候,列車會喺中野開出,然後以津田沼為終點。

中央總武線同山手線當然有轉車站——而且有三個:東面嘅秋葉原,同西面嘅新宿、代々木。咦,點解有三個站?因為中央總武線喺代々木同山手線相遇之後,會同山手線平行咁去到新宿,再繼續西進。

除咗新宿同秋葉原之外,呢條線上面最多遊客會去嘅站應該係吉祥寺(隔離有吉卜力博物館,同埋又係shopping)、中野(二手動漫嘢)、同埋両国(相撲館)呢三集站啩,我諗。

BTW,呢條線只有西萩窪同小岩之間屬於東京23區,去東嘅係千葉縣,西面嘅吉祥寺同三鷹分屬東京都嘅武藏野市同三鷹市。但一般嚟講,不用分那麼細啦。
#1304/06/16 2:40 PM
引用快速引用
#hoho#
#1404/06/16 2:49 PM
引用快速引用
最後重有一直,就係京浜東北線。京即係東京,浜即係横浜(橫濱啊),東北指埼玉縣一帶。


粉藍色嗰條就係。你可以搵下山手線同中央總武線喺邊。睇真啲,你會發現由田端站一路去到品川站,呢十四個站同山手線東面完全一樣。

撇除山手線上面嘅站,呢條線值得講嘅站只有北面嘅大宮站(埼玉縣嘅中心站)同南面嘅横浜站(神奈川縣嘅中心站)。

但老老實實,呢條線對我嘅最大作用係如果佢嚟得早過山手線就上呢架。因為喺呢十四個站(除咗品川之外),去同一個方向嘅山手線/京浜東北線會喺同一個月台嘅兩面,即係咁樣:


例如你喺東京站想去上野嘅話,可以喺月台上面睇下逆時針嘅山手線,定係北行嘅京浜東北線嚟先。

最後,喺中午前後(大約十點幾至三點幾),京浜東北線喺同山手線平行一段係會飛站嘅。


例如上圖可見,係會飛咗有楽町、鶯谷、日暮里、西日暮里呢幾個站(所以灰色咗),如果你要去呢幾個站嘅就請轉山手線(除咗品川之外,都係過月台另一面就係#good# )。

講咗三條班次最密、亦係最易搭嘅JR路線之後,跟住我會講亂到九彩嘅地鐵。
#1504/06/16 2:57 PM
引用快速引用
#adore# #adore#
#1604/06/16 2:57 PM
引用快速引用
留名#yup# #yup#
#1704/06/16 3:05 PM
引用快速引用
#kill# #kill#
#1804/06/16 3:12 PM
引用快速引用
二 一個東京,兩個地鐵

正如香港以往有MTR同KCR,東京都有兩個地鐵系統——東京地下鐵(東京メトロ)同都營地下鐵(都営地下鉄),兩個系統之間互不從屬,轉車要計兩次錢。


左面係東京地下鐵,右面係都營地下鐵,嘅logo。都營地下鐵係由東京都政府營運嘅,好以負緊好多債。

首先睇下啱比例嘅路線圖,等大家對路線有基本嘅印象。呢個係只有東京地下鐵嘅版本:



可以見到,喺幅圖中間有個空位(半藏門站同二重橋前站之間),呢個就係皇居。周圍畀唔同嘅線路重重包圍。然後呢啲線又向東南西北唔同方向延伸。

即是話,搭東京地下鐵嘅話,如果要轉線,通常都搭到去皇居周圍,然後先有得轉車。

惟一例外係西面啡色嗰條副都心線,亦係東京地下鐵最新起嗰條線,完全唔經皇居一帶。

再睇下都營地下鐵:



明顯簡單好多,主要係一個紫紅色嘅圈。

而如果你要睇點轉車嘅話,呢個版本可能會易睇啲:

(喺呢幅圖上面,黑白相間嘅係山手線同新宿至秋葉原一段嘅中央總武線。有顏色嘅就係兩間公司嘅地鐵線。)

#1904/06/16 4:01 PM
引用快速引用
你講完之後 我試下基於火車軌(而非運行線路)去講首都圈鐵路先[slick]
#2004/06/16 4:05 PM
引用快速引用
你講完之後 我試下基於火車軌(而非運行線路)去講首都圈鐵路先[slick]

山手線其實唔係山手線
京濱東北線唔存在
……
#lol# 好好玩咩







等睇
#2104/06/16 4:08 PM
引用快速引用
你講完之後 我試下基於火車軌(而非運行線路)去講首都圈鐵路先[slick]

到時一大堆貨物線出哂黎[banghead] [banghead] [banghead] [banghead]
#2204/06/16 4:15 PM
引用快速引用
二 一個東京,兩個地鐵

正如香港以往有MTR同KCR,東京都有兩個地鐵系統——東京地下鐵(東京メトロ)同都營地下鐵(都営地下鉄),兩個系統之間互不從屬,轉車要計兩次錢。


有tokyo subway ticket 完全唔再係問題#yup# #yup# #yup# #yup#
#2304/06/16 4:16 PM
引用快速引用
二 一個東京,兩個地鐵

正如香港以往有MTR同KCR,東京都有兩個地鐵系統——東京地下鐵(東京メトロ)同都營地下鐵(都営地下鉄),兩個系統之間互不從屬,轉車要計兩次錢。


有tokyo subway ticket 完全唔再係問題#yup# #yup# #yup# #yup#

留名等搭錯車#yup#
#2404/06/16 4:38 PM
引用快速引用
有乘換案內app架傻閪啫打 [369]
#2504/06/16 4:51 PM
引用快速引用
秒後自動載入第 2
下一頁
發表回覆
請先登入以發表回覆