旅遊臺
發表文章發起投票回覆
上一頁下一頁
冰島夏日環島自駕遊
第一次嚟哩度出遊記。除咗想出吓相之外,都想講多少少今次個行程計劃。
今次喺冰島用咗十日時間由 Reykjavik 揸車去到 Keflavik ......
遊記將不定期更新。

Good 39Bad 3
26/11/16 10:24 PM
引用快速引用

本貼文共有 112 個回覆
高汁#good# #good# #good#
#2627/11/16 1:58 PM
引用快速引用
#adore#
#2727/11/16 3:56 PM
引用快速引用
一鍵留名
#2827/11/16 5:43 PM
引用快速引用
#yup#

#2927/11/16 5:44 PM
引用快速引用
#adore# #adore#
#3027/11/16 11:25 PM
引用快速引用
出多啲車#adore#
#3127/11/16 11:25 PM
引用快速引用
一鍵啜啜😘
#3227/11/16 11:29 PM
引用快速引用
圖應該識出嘅,不過原來哩度出 link 唔可以將條 link 收喺段文字入面 #oh#


你係用咩軟件/app出post? 我見唔係膠登格式

平時咁寫http://www.google.com,都得㗎。
#3327/11/16 11:30 PM
引用快速引用
圖應該識出嘅,不過原來哩度出 link 唔可以將條 link 收喺段文字入面 #oh#

你係用咩軟件/app出post? 我見唔係膠登格式
平時咁寫http://www.google.com,都得㗎。

都只係用桌面網頁版。
哩隻 [url=http://www.reykjavikrentacar.is]Reykjavik Rent a Car[/url] 格式係香討嗰邊用開,要自己手打改一改個 URL tag 先出到。
不過就可以將條 link 收喺段文字入面,好似 html 個 tag => <a href="url">link text</a> 咁用。
哩邊個 URL tag 應該唔支援哩隻格式。
#3428/11/16 1:29 AM
引用快速引用
出多啲車#adore#

Oh 哩個幫你唔到喇,我全程都只係幫部車影咗幾張相,不過都有啲少少得人驚 (只係因為我胆細) 嘅路況嘅。
#3528/11/16 1:34 AM
引用快速引用
冰島女女正唔正先 #yup# #yup# #yup#
#3628/11/16 1:39 AM
引用快速引用
#adore# #adore# #adore#
#3728/11/16 2:02 AM
引用快速引用
留名
#3828/11/16 2:06 AM
引用快速引用
留名待追

#3928/11/16 3:15 PM
引用快速引用
#love#
#4028/11/16 3:17 PM
引用快速引用
冰島女女正唔正先 #yup# #yup# #yup#

感覺上冰島真係一個好少人嘅國家嚟,去到好多城鎮周街都好似冇乜當地人咁,就算係 Reykjavik 哩啲大城市,感覺四周圍嘅人都係遊客嘅多,接觸到冰島當地人嘅機會我估都係得去到啲舖頭或者民宿入面見到啲湊遊客嘅當地人咁。
囡囡嚟講,我比較有印象嘅係帶我哋去行冰川嗰位領隊,唔計少少偏肥都算幾靚女㗎 #love# 。查實我哋幫嚫嗰間冰川團啲領隊唔知典解好似個個都係啲靚仔靚女嚟 #yup#
#4104/12/16 5:19 PM
引用快速引用
未講哩日嘅行程之前,先講吓我哋喺 Reykjavik 落腳嘅哩間 Aurora Apartments 係點環境。哩間民宿嘅接待處同真正俾人住嘅房舍係分開座落喺唔同嘅街道,而兩邊大約相隔一條街左近嘅距離;哩個接待處亦係食早餐嘅地方嚟;哩篇 Blog http://chiwawah.blogspot.hk/2016/12/2016-aurora-apartments.html 入面個地圖就記低咗哩間民宿嘅接待處同我哋住嗰間房舍嘅位置。

我哋住嘅係一間設有廚房同衛浴嘅獨立屋,屋入面一個睡房擺咗兩張單人床。



客廳有個細細嘅開放式廚房,同擺咗張碌架床。個單位嘅空間查實有少少窄,住夠四個人打開晒四隻行李篋,間屋就已經冇乜活動空間。



間屋基本上算打理得幾企理,洗手間床舖毛巾同廚房用具都算乾淨可以安心使用。浴室去水冇乜問題,不過熱水供應就好似、可能有啲啲慢;事原係我哋頭兩個沖涼嘅團友都覺得啲熱水唔多夠熱,不過到我最後一個沖涼嗰陣,我自己又覺得啲熱水夠熱冇乜問題喎 。



查實我哋經 booking.com 訂嘅哩間屋應該係唔包早餐嘅,不過唔知係民宿啲管理人喺 booking.com 入錯機定還是佢前台啲員工搞錯咗嘞,總之我哋攞鎖匙嗰陣佢櫃位個職員就派埋早餐券俾我哋。嗰日我重估係我哋唔識睇 booking.com 張單個 Meal Plan,不過之後喺 Selfoss 住嗰間民宿,同一個 Meal Plan 嘅寫法又的確係唔包早餐嘅;我哋可能咁就儍吓儍吓賺咗個免費嘅早餐都唔定嘞。



食完早餐,跟住就出車開始哩日喺 Golden Circle 嘅行程嘞。



喺離開 Reykjavik 之前,我哋先去市內一個 N1 油站買定幾張入油卡同電話卡。電話卡嚟講,根據我出發前睇過嘅資料,喺冰島應該有三間主要嘅流動電訊供應商,分别係 Siminn、Vodafone 同埋 Nova。查實出發前我係諗住嚟到冰島買比較大路嘅 Siminn 電話卡,事關睇資料得知 Siminn 喺冰島 3G 嘅覆蓋應該係最好嘅。我買卡嗰陣同個店員講都係話要買 ISK 2,990 一張嘅 Siminn card,不過個店員話冇哩隻賣,俾咗張 ISK 2,000 嘅卡過我。

因為 Siminn 都有一隻 ISK 2,000 嘅電話卡,買嗰陣我重以為哩張就係嗰隻 ISK 2,000 嘅 Siminn 卡嚟。後來返到香港睇清楚先發覺哩張卡係另一間冰島嘅流動通訊營運商 Nova 出嘅卡嚟。



事關出發嗰陣我都重未係好記得啲電話卡嘅品牌名稱,剩係記住電話卡就係 Siminn 卡,完全冇為意 Nova 係另一間唔同嘅營運商嚟。不過都好彩叫做有少少錯有錯著,返到香港我對清楚發覺原來 ISK 2,000 嗰張 Siminn 卡只係得預付流動數據,冇包預付本地流動電話;電話同數據兩樣都包嘅就只得 ISK 2,900 嗰隻 Siminn 卡。

而之後我去到 Egilsstaðir 嗰站就碰到一定要打電話先可以揾到民宿個負責人帶我哋入屋嘅狀況。如果嗰陣個店員係俾張 ISK 2,000 嘅 Siminn 卡過我,張電話卡齋用得數據冇得打電話嘅話,嗰陣我哋應該會幾麻煩。

雖然 Nova (同另一間營運商 Vodafone) 嘅覆蓋應該係冇 Siminn 咁好,不過可能我哋哩次喺冰島嘅行程都係圍住 Ring Road 啲大路嘅景點,行程中要上網同打電話嗰陣用哩張卡都冇出現過啲乜嘢問題。

另外哩次喺冰島 10 日嘅行程查實我哋都好少用哩張電話卡上網;一來去到間間民宿都有免費 Wi-Fi,加上中途好多大啲、有餐廳嘅油站亦一樣有提供免費嘅 Wi-Fi,上網打卡哩啲手續我哋等有免費 Wi-Fi 用嗰陣先做已經好足夠。

我覺得電話卡嘅數據查實應該盡量留返喺緊急、真係有需要嗰陣先用。例如我哋喺去 Dettifoss 嗰陣試過遇上一次之前預計唔到嘅封路,嗰陣就要靠個流動數據上網查到底發生乜事會唔見咗條路,同要轉邊條路線先去得到目的地。好彩當日都算係風和日麗,同埋嗰日嘅封路應該只係同啲道路改善工程有關。之但係萬一碰著哩啲道路改動又撞啱冰島嘅惡劣天氣,如果冇辦法上網得知即時嘅路況同天氣資訊嘅話,就分分鐘有可能會演變成一啲危險嘅狀況都未定㗎。
#4204/12/16 5:30 PM
引用快速引用
買完電話卡同入油卡,我哋沿住 36 號公路向住 Þingvellir 國家公園進發。喺途中經過一個地方見好多車泊咗喺度,見咁多人喺度停低心諗梗係哩度有好嘢睇喇,於是我哋又停喺度跟大隊睇睇哩度有乜正嘢嘞 。



不過跟住啲人群行過去又睇唔出嗰度有乜特別,嗰陣我重以為啲人停喺度係想睇遠處湖面上嘅倒影。後來返到香港睇返啲相先醒起,以前應該有好多人喺嗰度玩將啲石仔叠起整成一座座嘅小石塔,久而久之哩度嘅小石塔陣重變成為一個景點。



不過我估後來哩個石塔陣唔知因乜原因俾人清咗場,我哋重見到有告示牌 (上面張圖個大告示牌側邊有個細啲嘅告示牌) 叫人唔好再喺度玩叠石塔遊戲添。查實喺冰島真係四周圍都可以見到哩啲石塔叠喺度又冇人理,難得一個地方俾人玩叠石塔玩到咁有人氣,就咁清咗哩個場感覺實在係有啲啲可惜 。



由哩個小石塔陣景點再揸多幾分鐘嘅車程,就到達我哋哩日金圈 (Golden Circle) 之旅嘅第一站 Þingvellir 國家公園嘞。架車揸到嚟 Þingvellir 國家公園,第一件事先要俾錢泊車。哩個停車場應該係到目前為止我所知冰島喺 Reykjavik 以外唯一要俾錢泊車嘅停車場嚟,而哩次嘅泊車費用就盛惠 ISK 500 大元。



泊好架車跟住就向景區入口行過去嘞,喺入口哩度首先會見到一段長長嘅裂谷,裂谷中間有條小徑一直延伸到景區入面。



冰島哩個北大西洋嘅島國,剛好位於 Mid-Atlantic Ridge(大西洋中洋脊)之上;大西洋中洋脊係由北美洲板塊同歐亞大陸板塊互相分離所形成。



而冰島就處於大西洋中洋脊露出海面嘅一部份。



Mid-Atlantic Ridge 貫穿冰島好幾個著名嘅景區,其中包括北部米湖地區嘅 Krafla 火山,冰島中部嘅 Vatnajökull 冰川,西部嘅 Þingvellir 國家公園同埋 Reykjanes 半島。





正因為 Þingvellir National Park 位於美洲同歐洲大陸之間嘅裂縫上面,嚟到哩度其中一個重點要做嘅事,就係去行吓哩條位於美洲板塊同歐洲板塊之間嘅小徑嘞。



我哋沿住哩條行人路徑散步嗰陣,剛好碰到一班我估係嚟哩度玩學校旅行嘅小朋友。



當熱情嘅香港叔叔嬸嬸遇上熱情嘅冰島小朋友 …… #hoho#



跟住路上嘅指示牌沿住條小徑一路行,去到我哋喺哩次冰島行程中見到嘅第一條瀑布 Öxarárfoss。



Þingvellir 哩度之所以成為 Golden Circle 一個必定到此一遊嘅地方,除咗因為佢位於美洲同歐洲大陸之間嘅裂縫哩個特點之外,查實哩度亦係冰島民主政治嘅發源地嚟。



冰島語 ”Þing” 可以解作 "聯盟 (assembly)" ;而 "vǫllr" 就係 "領域 (fields)" 嘅意思;兩個字加埋,就係講 Þingvellir 係一個聯盟之地。



大約由公元 874 年開始,為咗逃避政治鬥爭而移居到冰島嘅挪威人同塞爾特人慢慢增加。



群居社會漸漸產生維持社會秩序嘅需要,因為咁哩啲最初移居到冰島嘅人開始發展一套類似今日議會嘅政治制度。



喺公元 930 年,冰島就建立咗世界上其中一個最早嘅議會;議會 (parliament) 嘅冰島語正正就係 Alþingi。喺 930 - 1798 年間,Þingvellir 哩度就係冰島議會舉行會議嘅所在地。



喺 Þingvellir 圍咗個圈咁行,臨返到景區入口之前會經過冰島其中一座最早建成嘅教堂 Þingvallakirkja。哩座教堂最初嘅建築可以追溯到十一世紀,而哩度現時嘅木造結構係喺 1859 年嗰陣建成。



冰島 1271 年以前獨立時代嘅詩人 Jónas Hallgrímsson 同埋 Einar Benediktsson 就係埋葬喺教堂側邊嘅一個小墓地入面。



Þingvellir 哩度除咗泊車要俾錢之外,去洗手間都一樣要收費,兩樣收費都可以用信用卡找數。不過查實距離哩度只係幾分鐘車程有個我估係一個營地嘅地方,查實都有免費停車場同洗手間可以俾我哋泊低架車去輕鬆吓 。哩篇 Blog ~ http://chiwawah.blogspot.hk/2016/12/2016-ingvellir-thingvellir.html 入面個地圖就記低咗到達 Þingvellir 之前嗰個小石塔景點、Þingvellir 國家公園、同哩個免費洗手間嘅位置。

哩啲咁有益身心嘅好去處當然唔會剩係得我哋發現到啦 ,我哋去到借哩個洗手間用嗰陣都要排一陣間隊先有得去。解決咗啲小問題,跟住我哋就繼續向下一站 Strokkur Geyser 進發嘞。
#4304/12/16 5:45 PM
引用快速引用
喺 Strokkur Geyser 景區附近有兩個停車場可以泊低架車再行入景區,其中一個停車場比較近附近一個遊客中心,而我哋就喺比較近景區嗰個停車場度泊低架車;哩篇 Blog ~ http://chiwawah.blogspot.hk/2016/12/2016.html 入面個地圖記錄咗哩兩個停車場同 Strokkur Geyser 嘅位置。

一落車當然係向住最多人哇哇聲咁圍觀嗰個位置行過去喇,未行到去泉口,就已經聽到遠處 “嘭” 一聲,跟住一條大水柱直沖上半空。



Strokkur Geyser 哩個位於 Haukadalur Valley 嘅間歇泉,應該係冰島其中一個最活躍嘅間歇泉嚟。



哩個泉大約每隔五至十分鐘就會噴發一次,不過我哋喺現場都見過泉口噴完一次之後,相隔唔夠半分鐘又再度噴發嘅情況。



圍住個噴泉影相嗰陣要經常留意住風向,事關大風嗰陣萬一企正逆風位,又剛啱個泉係面前一爆 … 咁就會變成一隻用泉水落湯嘅落湯雞㗎喇。



哩個間歇泉一般噴發嘅高度大約係十零廿米,不過有時泉水都可以噴到上四十米咁高㗎。



除咗 Strokkur Geyser 之外,查實哩度附近重有一個喺冰島都好出名嘅間歇泉 Geysir。



不過哩個 Geysir 間歇泉近年已經冇再自然噴發。每年喺 Icelandic National Day,冰島官方認可嘅地質學家會用人工嘅方法去引發 Geysir 噴發一次。



喺 Strokkur Geyser 周圍重有好幾個藍藍綠綠嘅 Geothermal Pool 同啲 Mud Pools,都係火山區特有嘅地貌嚟。



Strokkur Geyser 前面有個山坡,山坡上面開滿一大片紫色嘅魯冰花,見啲花開得咁靚當然要行上去影返幾張相喇。



哩日我哋整定咗啲三文治同沙律做午餐,睇完間歇泉之後就喺附近個停車開飯嘞。食完個晏,跟住就繼續開車踩去 Golden Circle 第三個重點景區 Gullfoss 黃金瀑布嘞。
#4410/12/16 6:08 PM
引用快速引用
泉水係咪好熱 [yipes]
#4510/12/16 6:19 PM
引用快速引用
Btw 有咩特式食物同土產 ???
#4610/12/16 6:28 PM
引用快速引用
[bomb]
#4710/12/16 6:31 PM
引用快速引用
冰島日照時間有幾多個鐘[banghead] ???
#4810/12/16 6:40 PM
引用快速引用
泉水係咪好熱 [yipes]

個泉噴嗰陣漂過嚟身上啲水點就冇乜嘢嘅,不過見 Strokkur 同其他 thermal pool 周圍都冒晒煙咁,入面啲水我估應該都好熱呱。不過當然我冇可能走入去真係摸吓試吓啲水温啦。

#4910/12/16 6:44 PM
引用快速引用
Btw 有咩特式食物同土產 ???

我哋喺第四日行程去到一個叫 Hofn 嘅地方,叫做專登去食咗一餐冰島龍蝦 (查實應該係挪威海螯蝦) 嘅貴嘢;我就覺得哩隻蝦冇乜特别,香港啲龍蝦好肉同好食過佢;反而嗰餐食過一味羊扒就覺得相當唔錯,羊哩家嘢係我唯一推薦去到冰島要多啲試吓嘅美食嚟。
Day 1 我哋喺嗰間炸魚餐廳食嗰餐,你見張相中間有碟嘢上面有塊啡色嘅麵包,嗰塊嘢都係冰島一隻特有嘅口糧叫 Rúgbrauð。實骨骨咁,唔算話超好食不過亦唔難食,我哋之後都有喺超市買嚟食,一包可以切開十塊八塊包咁嘅份量賣 ISK 279 一包。
另外去到嗰邊就點都要買杯 Skyr 試吓喇。我食過一杯原味嘅,一杯 170g 賣 ISK 117;口感似乳酪不過淡茂茂冇乜味,我就唔係食得好慣,之後都冇再買其他味嚟試。
土產就通常係啲魚油丸羊毛衫之類喇,又或者去到 Blue Lagoon 買罌臉泥嗰啲喇。
#5010/12/16 9:02 PM
引用快速引用
秒後自動載入第 3
上一頁下一頁
發表回覆
請先登入以發表回覆