我一直有一個悲觀嘅答案，就係未來嘅政治制度可能唔會有真民主，而只會二擇其一：

前者：共產黨名義上分裂成多個政黨，開放互相競爭嘅普選。但所有專制時期奪得嘅黨產轉為各位高官各自私有，無法充公黨產，俗稱「洗白」，而佢地對於反右、六四等事嘅回應，就係「又唔係我做嘅，關我X事」。

後者：香港被一個反共嘅獨裁政黨統治（唔係港獨，可能係另一個中國，或者粵國），該政黨用盡各種無底線嘅辦法清算晒所有偽共時期嘅當權共官以及裙帶商家（即所謂港奸），情況類似辛亥革命後皇天擊殺旗人，或者反右清算國民黨人。而且所有目標共黨官員一律被抄家，所有黨產一律被充公，當然所謂嘅「公」就係新政權嘅自己人啦。而且，言論自由唔可以批評新政權。

呢個就係我所諗到嘅可能情況，大家嘅選擇可能會決定未來嘅歷史。如果係你，你寧願點揀？