距離農歷新年仲有大概兩個星期，大家都等緊睇新春賀歲片，所以唔知係觀眾想留力，定係近期啲電影戲碼唔吸引，打從去年9月起戲院嘅票房都冇乜起色，相對前年同期仲有下跌跡象。

噚日有7部新戲上映，有鷹眼謝洛美維納主演嘅《天煞異降》(Arrival)同三部華語片，包括成龍坐陣嘅《鐵道飛虎》、王大陸嘅《一萬公里的約定》、顏卓靈嘅《那年夏天你去了哪裏》。睇返個單日票房，應該可以用慘淡嚟形容，鷹眼套《天》片雖然只有89萬元單日票房，以一部荷李活製作嚟講，呢個數絕對唔令人滿意，不過已經喺開畫同單日票房冠軍。
至於三部華語片仲差，《那》片開畫約10萬元，已經喺華語片開畫同單日冠軍。成龍同王大陸嗰兩部更慘，《鐵道飛虎》只係得8萬元，冇睇錯，成龍嘅戲單日只係得5位數票房，《一萬公里的約定》就只係得5萬元票房。睇嚟要等到農歷年，電影票房至會有新景像。 http://hk.apple.nextmedia.com/enews/realtime/20170113/56168414