http://video.appledaily.com.hk/mcp/encode/2017/01/14/3253926/20170113_ent_111_w.mp4

開心宣佈就快可以申請香港永久居民身份證嘅苟芸慧(苟姑娘)，有感而發謂：「真係冇諗過因為一輯相，跟住大家好似又記番我係邊個咁樣，我覺得今年我係有少少幸運……。」

那輯相當然係某男性刊物嗰輯。低胸／喱士／睡衣／背心／床上碌來碌去，你幻想中的苟姑娘活現眼前。網民一邊質疑係咪P圖一邊瘋狂洗版。前晚連片都出埋，無話可說啦。

三年前曾因為難抵外間壓力，致患上甲狀腺失調的苟姑娘，體重由115磅急升至170磅，外間幫佢改咗個名，叫「肥苟」A calling from God，索番晒嘅苟姑娘，歸位。

但最弔詭嘅係，那邊廂sell(健康)性感，苟姑娘依家卻穿上樽領做專訪，理由是「不想被定型」。係真係樽領。包到上頸。

同43歲錫礦大王後人陸漢洋(前名陸恭和)拍拖之後，苟姑娘是否從此「收身」？未住，苟姑娘噚日接受《蘋果》專訪時稱，計劃推出相集，記錄由入行以來，以及患病這三年來的心路歷程，想帶番啲正面訊息俾大家。
昔日水腫發福相片，苟姑娘苦笑謂「大家應該有好多」：「我反而想用art嘅手法去表達出嚟，未必一定要攞返出嚟，講真以前肥嘅相好多㗎啦哈哈。唔使再刻意去攞出嚟。」而苟姑娘的想法是，用art手法影一輯抽象相，冇底線。靚就OK。

「呢個病其實都有三年，我諗觀眾睇住我由冇嘢、出事，到好番，可能觀眾唔係幾覺得咁長時間，但留心其實都有兩三年時間。」

是否覺得有段時間俾觀眾離棄？「我其實都會覺得……自己好灰，諗嘢都會好灰，但其實觀眾一路都好支持我，有時網上嘅comment都會話肥得都好靚。呢啲鼓勵嘅說話其實對當時低潮嘅時候係幾重要嘅。」

出相集，苟姑娘的Selling point係正能量，而更多人關心的可能是「底線」問題：「其實已經搵咗個art director，佢之前幫人影過全nude嘅相，係幾靚係拍得幾靚同有啲meaning，我唔係特別抗拒，喺呢個moment。」泳衣？會考慮，苟姑娘最想就係操番選美嗰陣嘅body，泳衣尺度要更性感。

全裸？「我會尊重art director，佢想點就點。最重要係相同文字inspire到其他人。其實呢一刻我係未諗到底線係可以去到邊。」

真係全裸？！！！！
苟姑娘笑言：「我諗冇人想睇啩？算啦！」
服裝及場地：Tory Burch（銅鑼灣店）
Make-up: 亨利
Hair: Sue Cheung @ Hair Corner K11






三年前苟姑娘體重由115磅急升至170磅




苟姑娘笑言冇人想睇佢全祼



苟姑娘依家卻穿上樽領做專訪(攝影：林德雄)

Source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
係真唔係呀