http://video.appledaily.com.hk/mcp/encode/2017/01/14/3254281/20170114_RTent_05_w.mp4

鼎爺廚房嘅李家鼎今日已有一段時間香港出席活動嘅郭羨妮現身觀眾apm出席活動，一展廚藝。兩人分別下廚煮三個餸，好似團年飯咁，鼎爺細仔泳豪都有嚟，充當攝影師兼助手。現場有大批fans圍觀、欣賞鼎爺刀功章法。

今日鼎爺整嗰三個餸，分別係蕃茄蝦、黃酒煮雞同撈起，鼎爺廚藝如何唔使多講，現場香味陣陣，果真色香味俱全。鼎爺話：「活動係三點，我一點鐘已經嚟，喺後台切嘢，因為撈起有12種材料，切到我頭都暈。」煮嗰陣鼎爺一路講解，又指現場火力唔夠，「我平時用電爐，300幾度，啲嘢一爆就香，好快就煮到。」

鼎爺真係專業，但似乎準備用具嘅人唔夠專業，所以鼎爺一路煮一路彈，擰晒頭話個爐唔夠力，搞咗好耐，猛話：「火未得！油未熱！」係咁叫工作人員「開大啲」，最後都係搞唔掂。

鼎爺接受訪問時問到係咪有難度，佢就話言：「電爐得200幾度，驚出到嚟，啲人以為我唔得，交代唔到。」問鼎爺係咪少做商場騷？商場活動都係做下樣咁……「唔係商場騷嘅問題，係明火嘅。下次有騷都係切下嘢算喇，如果唔搞掂個明火，我做得唔開心。」但根據消防條例，商場騷似乎唔可以用明火喎…咁下次一係用個猛啲嘅電爐啦！


(攝影：曹家誠)





source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
乜鳩咁紅