http://video.appledaily.com.hk/mcp/encode/2017/01/14/3254437/20170114_ent_227_w.mp4

32歲嘅沈卓盈感情生活多姿多采，先後同飛機師Simon、金融闊少男友Ray Mak拍拖，最後經過幾番離合分手收場，沈卓盈仲搬返青衣公屋同屋企人住。

直到舊年3月，《蘋果》曾經影到沈卓盈同四眼男行街街。有傳Calvin，家族經營內衣褲出口生意，最近更有傳沈卓盈釣金龜成功。日前女方終於忍唔住，喺網上爆seed否認：「如果如雜誌所講我是那麼貪慕虛榮，只求釣甚麼金龜的話，我想我一早已經成功了，還需要在捱嗎？」(新聞連結：http://bit.ly/2inzlzk)

噚日《蘋果》收到讀者報料，話沈卓盈講大話，其實佢哋喺上年2月開始拍拖，報料者又指收到風謂某人係「空心老倌」云云。

傳就係咁傳，但報料者稱，Calvin媽咪對沈卓盈印象麻麻，所以女方唯一直扮單身，搵到個更好嘅即離場咁話喎！

沈卓盈接受傳媒訪問時佢話：「首先，唔係事實嘅嘢唔回應，今次澄清只係想維護自己嘅尊嚴同清譽，亦唔希望自己嘅事影響到身邊的朋友！」

講到o依家嘅感情生活，沈卓盈話：「其實感情事我一向都係隨緣，冇諗太多，估唔到大家比我仲心急，可能我已經係適婚年齡，再加上娛樂圈近排有好多喜事，大家都會祝福大家快啲加入人妻行列囉。」
唔知會唔會遇到啱就好快嫁人呢？沈卓盈話：「啱嘅都有機會㗎，出現咗未？哈哈，都係嗰句隨緣啦，o依家心態係抱住平常心對待身邊嘅一切，做好自己本份先，不過今次事件發覺大家都好關心同支持自己，多咗好多愛，真係好感動！」




《蘋果》收到讀者報料，指沈大師堅持單身係因為Calvin係空心老倌。




沈卓盈就話自己感情事隨緣



source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
係真唔係呀