當全世界都講緊要環保、要減廢、要戒膠，竟然發現某某「城市中」的「超級」市場竟然將車厘子當成朱古力咁逐粒排開包成禮盒，唔知係為賀年而設的，還是來自「紐西蘭的肥沃土壤」，粒粒以「人手採摘」的車厘子太身嬌肉貴所致。呢盒車厘子賣$688一盒，除開每粒要成$14.3，呢個價錢，唔知有幾多去咗運費和包裝成本之中，背後無非都是包得越大盒賣得越貴的道理，結果製造更多垃圾，更多碳排放，而且經塑膠加工了的紙盒或紙袋都不能回收，再甜美再營養豐富的車厘子，都抵不到對地球、對下一代所作的孽。懇請大家新年做個精明又負責任的消費者。

記者：曾冠輝
source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
搶錢