事頭婆英女王伊利沙伯二世2月6日就係登基65周年，成為史上首位慶祝登基65周年藍寶石禧的英國君主，英國官方限量發行一系列紀念幣慶祝，由英國皇家鑄幣局鑄造，香港都獲得限量配額。

紀念幣分兩組設計，需要經白金漢宮御准 ；一組「重量級」由聖公會主教Gregory Cameron操刀，唔單止由英國皇家徽章重新演繹，仲加埋象徵英女王性格特質嘅植物裝飾，顯得高貴優雅。

另一組「標準級」由鑄幣局設計師Glyn Davie創作，顛覆傳統用另一角度呈現英女王加冕典禮出現嘅帝國皇冠，刻意用皇冠後方嘅著名史Stuart Sapphire(史都華藍寶石)，突顯藍寶石禧；皇冠旁邊並鑄有女王在21歲生日外訪嗰陣演講辭節錄名言，而幣邊更刻有女王加冕講辭中嘅金句「Shine through the ages」(彪炳千古)字樣。每款幣面都鑄有「Sapphire Jubilee」(藍寶石禧)，同埋女王登基至今年份刻字：「1952-2017」，紀念主題鮮明。

「重量級」及「標準級」共有8款規格，當中7款為鑄量有限的精裝金銀幣，售價由938港元起，每款附奉珍藏盒、編號鑑定證書，同埋一本由鑄幣局及英國皇室通訊記者Jennie Bond合作編寫嘅資料冊。鑄幣局話部份規格已率先被全數認購。另一款為「普鑄幣」採用銅鎳合金鑄造，以封套包裝，只售198元，應付普羅大眾嘅需求。

香港官方特委總經銷係國際金錢公司 ，香港配額即日起接受預訂，先到先得，如果成功訂購「重量級」金銀幣，國限公錢公司仲會獨家額外送紀念幣設計手稿一張。網上訂購:http://www.coins.com.hk，查詢電話: 2845 8330



http://hk.apple.nextmedia.com/realtime/news/20170206/56262590