http://video.appledaily.com.hk/mcp/encode/2017/02/12/3275459/20170213_Vvvsub747_clean_w.mp4


「黑人」文生靠種粟米角色在網上爆紅，粉絲留言話想同佢瘋狂食粟米。

喺一個遙遠嘅國度──非洲剛果，有一個黑人後生仔，佢得到宣明會協助，種粟米為生，但同時又好鍾意喺Facebook留言。佢叫文生！

假嘅假嘅假嘅，文生係一個如真包換嘅角色，創作佢出來的90後Leo Man（文汝豪），本身任職建築工人，辭咗工兩個星期，加上新年期間回鄉探親，百無聊賴，所以有時間日以繼夜，再夜以繼日在Facebook留言，尤其本報Facebook。很多post下都看到文生留言，由於佢留言快，有速度，唔會慢，幽默精警，得到網友注意，召喚者眾。佢一出場大家跟晒隊形打招呼，有人話佢「妹仔大過蘋果主人婆」。留言留到咁出類拔萃，都咪話唔犀利。

好似之前杜如風個八萬八天價旅行團，文生就留言話足以喺剛果買塊粟米田，笑佢離地過奶媽林鄭；搞到好多人鍾意咗文生。自認搞笑嘅佢就話：「無諗過咁多人注意我，娛樂到大家，我都好開心。」好多網友期待佢出來講兩句，而佢亦都好識做，係咁同大家互動交談，日前佢仲索性開個專頁，有近萬個like。

話就話係創作，其實所有嘢都係誤打誤撞。「咁啱用咗呢個黑人頭像，見大家鍾意，先代入咗呢個角色。」他話開專頁唔係要搏出位，反而係想有啲意義。「想話畀人知廢青都會捐錢，帶動其他人一齊做啲有意義嘅事，宣傳一下宣明會幫到很多人。」靠留言無端端紅咗，當然也引來攻擊。「會話我講埋啲無聊嘢，點解咁多人鍾意，沒所謂啦，一件事總有人支持，有人反對，我睇完就算。」


如果有些post文生沒出現，粉絲就會召喚他，又話掛住佢。


杜如風的天價旅行團被文生諷刺，網民讚好。


文生話之前瘋狂留言，連去旅行時都機不離手，搞到女友發嬲。


source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
邊到紅，都唔識