爛尾機會大

【德國未成年少女慘遭非禮
又係難民，屌你老母，原本德國係一個好和平既地方
依家搞到烏煙瘴氣，多謝條死肥婆默嬸嬸
不過咁講，本地德國人都依舊大愛上身，我仲出咩聲？

我叫Rex, 不經不覺已經黎左德國2年，
時間真係過得好快，香港依個地方對我黎講變左一個幻影
而我最愛既家人就變左FACETIME入面既一個影象，但奈何，
我已經有一種返唔到去既感覺，返去打工？人工低到嘔，時間長，人人當你係隻狗
係德國，我拎住張MBA輕易係Frankfurt既UBS(瑞銀)度搵到份做債劵評級既工
受萬人景仰，人工可以話係香港做一百世都唔會搵到

你可能會話，我屌你咩，你打咁大篇野黎曬命？我係香港比蝗蟲咬，你條仆街係度話自己幾爽？
OK，曬命只係其中一個原因，但我想講既係每個人都有一個選擇
只要你下定決心，其實無咩係做唔到
每個人只係睇到我既成功
而我中間所放棄既野，有幾多人明白？
學呀劉公子話，去少兩次日本先講野喇

係UBS個OFFICE望出去，有一種萬人之上既感覺
大家唔好以為Frankfurt係德國金融重鎮就好似香港咁插到周圍都係百層大廈
其實都係得果十幾廿棟，如果以香港黎講，東涌都多樓過依度

又到左收工時間，德國人最好就係收工準時，過左收工時間半個鐘，基本上OFFICE 已經空左90%
平時我收左工都係返屋企訓
係，我係毒撚，就算黎到德國做埋BANKER都改變唔到
同埋我一向都唔鐘意同同事去SOCIAL，大佬，返工8-9個鐘對你班友仲唔夠？
不過今日例外，因為我老頂Weiss今日退休
佢做野係有D固執，但話曬係佢請我，如果無佢，我發夢都唔會見到今日既我
而我地會收工就去食飯再落吧
以前我好怕同德國人落吧，因為班友飲酒當飲水，我點同你玩？
但後黎我發現你唔想飲，佢地唔會好似香港人咁夾尻你狂飲
所以我間中都會落下吧

而今日，或者我應該多謝我老頂Weiss揀左今日退休
令我係吧度見返一個好重要既人
呀，我講漏左個標題個德文點解

Deutschlehrerin 德文女教師