*呢度所講嘅投資, 係指金融上.
至於投資係學歷, 健康, 條女, 或者再講大啲, 政治. 都不在本 post 討論範圍.*

上回講過, 係資本主義社會入邊生活, 唔投資就會被剝削(通漲……等). 一生為奴.
而投資, 就係逃出呢個惡性循環嘅其中一條路.
最終嘅目的, 係得到「財務自由」

以下係幾種常見嘅投資項目. 都可以產生「價值」

1. 儲蓄, 收取利息
呢個唔難明, 你將錢存入銀行, 銀行用你嘅錢做生意, 佢會比返利息你.
你只要知道你收嘅利息, 是否高過通漲?

2. 股票, 靠一買一賣, 或收取股息
股票, 即一間公司為籌集資金而發比投資者作為公司資本部分所有權的憑證.

3. 房地產. 靠炒買或收租
常言道買磚頭最實際, 房地產由於有實際用途, 所以其價值一般都企得比較硬

4. 貴金屬, 靠炒賣,食差價
黃金, 白銀等. 有國際流通性, 而且不易生產. 所以比較有”信譽”, 當貨幣”失信”嘅時候, 啲人就會想將錢換成黃金. 做成波幅

5. 債券. 收取債仔利息, 或炒賣息差
債券有國家發行債券、金融債券、公司債券

6. 古董, 收藏品.

7. 期貨. 可以係米, 油, 肉, 煤, 油
買賣雙方透過簽訂合約，同意按指定的時間、價格與其他交易條件，交收指定數量的現貨

以上 1-7 都可以話係直接投資. 要由自己操作

8. 基金. 由一組織發起,通過公開發售基金份額募集資金，由基金託管人託管，以資產組合方式進行投資的一種利益共享、風險共擔的集合投資方式
基金可以係由託管人投資以上一至六, 而託管人係為收你管理費.
目前香港比較出名嘅, 應該係謝清海嘅惠利基金, 其回復頗高.

9. 保险. 同基金差不多, 經精算師數模計算風險.
可以話, 少於50%嘅人, 你所得必定會少過你付出嘅價值. 但其目的係人生嘅風險管理.