HKGalden娛樂臺
發表文章發起投票
自認絕對拜金 Seasun愈嚟愈多高潮
























Seasun愈嚟愈多高潮喇~

Seasun在無綫實況節目《有樓萬事足》不時語出驚人爆金句「有樓有高潮」、「冇樓唔好白撞」,加上近日網上瘋傳她疑似在九龍塘時鐘酒店拍攝的「私影」全裸寫真,Seasun成功出位。Seasun以性感三點式泳裝在九龍灣接受訪問,其間發現她右胸疑似走光露乳暈。

二千呎都唔夠fans企

提到近日網上瘋傳Seasun疑似在九龍塘時鐘酒店拍攝的「私影」全裸寫真,令人嘩然。問到網上瘋傳的性感相是否她?Seasun說:「呢樣唔係一個問題,好開心有雜誌搵我影封面,多謝網民捧場,冇你哋嘅關注我都冇今日,無論畀like、定畀嬲都希望你哋繼續支持。(網民封你咗封「拜金港女」?)拜金唔錯,香港以金融中心為榮,我絕對拜金。(多咗有二千呎樓嘅男士追求?)唔止二千呎,二千呎都唔夠我啲fans企。(要幾呎先夠?)要視乎有幾多粉絲,愈多呎數愈好,我是講呢輯相,哈哈。(提高要求?)講咗出去就收唔返。其實我都好大壓力,驚真人同上鏡唔同,認識咗唔係嗰回事,驚令人失望。」

避談性感照

再追問瘋傳的性感照是否她?Seasun亦有備以來說:「唔去回應喇,今日有輯更好嘅。(覺得輯相影成點?)不予評論。今日會做好啲,希望大家鍾意我呢輯多過嗰輯。(參考艷照嘅甫士?)不如網民問講下鍾意咩甫士,下次出寫真用。(會唔會再用舊式電話同絲巾做道具?)我諗都搵唔番,呢啲係極品嚟,要好努力先去度嗰個境界。」

「內心充滿高潮」

Seasun雖然面對負評,但EQ甚高的她卻將負評當正能量她,她說:「唔係負評,能量有正有負,但都係動力,如果冇呢啲能量,我嘅工作會好似一湖死水,所以你哋嘅投石喺我心目中起了一個個漣漪,令我泛起更加更加多嘅高潮,所以好開心,現在內心充滿高潮。」

講到有指Seasun曾在趙苑與趙世曾同居?她說:「佢屋企大到不得了,你有冇去過?遲啲有機會帶你哋去。(你同趙生咩關係?)佢都已經唔記得我,我都想佢記得我,你哋幫幫手。(你喺趙苑做咩㗎?)喺佢屋企瞓覺、休息囉。(喺趙苑休息咗幾耐?)冇幾多個鐘瞓,好多嘢做㗎,不過佢唔記得我,我都唔記得喇!(同趙生有冇聯絡?)人哋大老闆嚟,咁易聯絡架咩。(依家係入行?)算唔算呢?今日影相都係相回應網民訴求。(會唔會出寫真?)如果網民反應熱烈,就會有更多公司邀請我都開心嘅,尺度就要睇網民喇,怕影咗冇人睇。(會唔會露點?)有冇人會影露點㗎?到時再諗啦,我唔會自找麻煩。(多咗工作機會?)高處未算高。(覺唔覺自己好紅?)好灰先真,多方面都要努力。」Seasun又透露自己任職珠寶公關,老闆娘對她十分支持。

來源 source: http://hk.on.cc

+++++++++++++++++++++++++++++++++++++++++++++++++++++++++++++++++

何方妖孽
Good0Bad11
2017/02/23, 10:05:44 上午
本貼文共有 0 個回覆
此貼文已鎖,將不接受回覆
發表文章發起投票