農曆新年剛過，咁快又有長假？傻喇，我都想！不過正所謂返工就係為咗放假，而家為定下個長假旅行準備真係差唔多。講到長假旅行，一個靚筴當然不可缺，近年的潮人首選大多是「R」字頭，但太多人用或者會厭，而另一貴牌TUMI或者是另一個不錯選擇。有趣的是TUMI最新一季作品之一「19 Degree」頗有「R」字頭味道，同樣玩條狀凹凸花紋，但就更特別地玩斜線，更如「19 Degree」這系列名稱，以19度的斜紋作設計，據說是因為設計師認為這個斜度最有美感！是否最靚當然因人而異，但設計就的確特別兼搶眼，總好過同人一式一樣。

而今次TUMI的「19 Degree」設有貴價的鋁合金及相對較便宜的聚碳酸酯(Polycarbonate)款式，兩款都設有TSA安全鎖、皮革包覆的側手柄，以及航機級鋁合金製成的專利手柄系統。實物鋁合金款雖然非常堅固，但重量就真係有番咁上下，如果你係想買平機票兼血拼的話，輕巧得多的聚碳酸酯款應會較適合，當然如果你是富貴團又另作別論喇。另外，實試過四個雙向旋轉嵌入式滾輪亦相當順暢穩定，值得一讚。最後提提你，雖然只係二月尾，但其實四月又有清明及復活節假，前者請一日假就有四日連假，後者更是請四日放足十日，去轉歐洲都夠有突，考慮定入手新筴都差不多。

記者：韓繼聰

2017果籽繼續認真知味。識買惜用。行以求知。好事多為。重修舊好。
緊貼果籽報道，即like：http://fb.me/AS.AppleDaily


同系列設有較便宜的聚碳酸酯款式，雖然堅硬度有所不及，但勝在輕巧得多，是血拼良伴。（$4,990起）


兩款都設有TSA安全鎖、皮革包覆的側手柄，以及航機級鋁合金製成的專利手柄系統。


記者實試過四個雙向旋轉嵌入式滾輪亦相當順暢穩定，值得一讚。（19 Degree Aluminium Short Trip Packing Case$8,590）


另外還有全新的Tahoe系列，以鮮豔的春天色系為主，帶佢去旅行人都醒神D。（Tahoe Sierra International Carry-On$5,690）


另一個V3系列的印花相當精彩吸引。（V3 International Carry-On$4,580）

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
等比人爆