真係估佢哋唔到。

無綫話題節目《有樓萬事足》播到第四集，今集發現更多「港人港樓」，原來依家香港人為咗買樓住屋，真係無所不用其技，就連「貨櫃」同「閣樓」都唔放過。

32歲Icy係時裝店老闆，現居住於一個百幾呎嘅新界「貨櫃」，每個月港幣$3500租金，包車位，有廚房又有廁所，Icy仲講笑咁話呢度大到可以放隻牛喺度。聽落好似幾好喎，不過佢就話落雨嗰陣會有蛇蟲鼠蟻出沒囉，不過Icy話咁樣唔算最慘，最慘係香港依家用幾百萬都只可以買到呢個貨櫃總面積嘅三分一，真係Sad but true喎！

貨櫃都叫做有個地方可以企喺度呀，原來有人會住喺企都企唔到嘅閣樓！28歲Bianca之前做小學老師，為咗理想，佢唔再執教鞭，而去咗開舖做老闆。佢用港幣$7000租咗一個舖位，咁佢順理成章住喺舖位樓上嘅閣樓度，平時要去附近餐廳借廁所用，而沖涼就話去體育館，甚至閣樓度抹兩吓就算喎，何必呢？

仲有聽日預告有好耐冇見《求愛大作戰》「盛女」Whitney講到喊晒口，究竟做咩事呢？

來源 source: http://hk.on.cc

+++++++++++++++++++++++++++++++++++++++++++++++++++++++++++++++++

咁都得