https://www.yahoo.com/news/港女講日搵食注意喺日本一男一女食烤肉就代表拍拖-062520604.html一男一女出街係咪叫拍拖？追緊？定係好朋友？呢樣嘢唔同人、唔同事都有唔同想法囉！試問世上有幾多對張敬軒同王菀之呢啲單純朋友呀？！其中一個重要參考因素絕對係兩個人出街做啲咩。嗱！香港人一男一女出街睇戲食飯，唔代表你哋拍拖，但原來日本人係有不名文規定，如果一男一女出街做呢三樣嘢其中一種，都代表你得米啦！睇清錯咪唔小心同咗人哋拍拖都咁傻豬豬唔知喇！

食烤肉

根據日本女生聲稱，燒肉油煙大，而家濃油赤醬，食完成口口氣，要真係拍拖嘅情人之間先可以接受架！而且燒肉價錢一向偏高（唔係論緊平價放題嗰種呀Cheap），係要Dating先會去囉。雖然港女我真係唔知咩理論，但聽故唔好駁故呀唔該。


坐摩天輪

純友誼嘅一男一女好哋地坐乜鬼摩天輪？點解要去做啲咁浪漫嘅事先？日本人認為一男一女去坐摩天輪絕對去拍拖限定活動 （當然天倫樂另計），如果你心儀嘅對象邀請你去坐摩天輪，你知咩意思啦！

睇戲

你話港女我好保守咩？香港人一男一友，係朋友都可能會一齊睇下戲，但日本人唔係咁諗囉。漆黑嘅戲院入面，絕對係拖手好時機，所以日本人視一男一女去睇戲係情侶行為。所以下次約日本男／女仔睇戲要小心啦！