http://video.appledaily.com.hk/mcp/encode/2017/02/25/3286057/20170225_RTent_12_w.mp4

今日撐著拐杖，由契女契仔攙扶下抵達紅磡世界殯儀館祭魯芬，期間接受傳媒訪問，提及兆尊之前的訪問，祥嫂邊哭邊罵了逾8分鐘，她說不了幾句，已經忍不住淚如下，步履不穩，哭道：「兆尊今日出嚟承認佢係有苦衷，佢想返出嚟做工作，想入番娛樂圈呀，佢哋唔知係邊個蠶蟲師爺度條咁嘅橋，叫佢逐一帶出嚟，一拖一一拖三咁出嚟，咁樣搞，唔好咁啦兆尊，啲男仔睇到你亦都會話你晒命。你同澳門個華哥(周焯華)比呀？天同地比啦！」

「人，唔好同人比。仔，呢啲係身體健康象徵嚟嘅(祥嫂意思是指自己抹鼻涕)，唔怕，你有本事唔好俾啲女人嚕嚕嗦嗦呢，你有幾多個，媽咪都贊成，支持你，總之最緊要唔好俾啲兄弟姊妹笑你呀，成日吟你。」

「唉呀，真係呀，今日，仔，唔怕0架，返出嚟啦，等個藝術界，等我想一想先……我本來唔使想0架，但我真係，經過咁多嘅折磨，我驚失禮個伶王。我係佢老母嚟0架！」此時祥嫂再放聲大哭。」

此時記者安慰祥嫂不要激動，祥嫂哭道:「我要講得好得體，亦都要講事實。佢呢個係一個方法嚟，想返娛樂圈。留一點情俾新馬仔，佢做咁多好事，幫盡咁多人，亦都等如幫我祥嫂。」

祥嫂忽然越說越激動，大聲謂:「我啲兒女好乖，冇爭過家產!係我唔啱啫！」記者勸她別動氣，祥嫂堅持:「唔得，我一定要講。祥嫂好少講嘢嘅，你哋今日唔使為我難過！」


(攝影：仇志德)





source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
原來係咁