HKGalden感情臺
發表文章發起投票
人生遇到呢兩條女,究竟點簡好
自從呢個學期開左之後。有2條女女成日搵我出街,有時我藍剔佢地。佢地都會主動搵我傾計
有次同A出街。A就話B佢對我有意思,叫我考慮下人。但望佢個樣就有D SAD 咁。
而之後又有一次同B出街。 B就同我講 話睇得出A 對我有意思。問我覺得佢點。而我就睇得出B係試探緊我。

先講下A先。 MK妹性格,爛口,讀書唔得但好玩得。不過成日去蒲club (我唔落club)。份人性格好直。有咩就直接講出黎。有少少似係男人格。佢有時會同我單獨睇戲行街食野。就係佢呢種性格。唔洗估估下。慳時間。食野又唔會食D好貴既野。一般都係平民價。年紀方面就同我一樣大。如果係成日落Club。我份人唔係太鍾意。

B就係乖乖女性格,讀書體育音樂全能型,家底實力強。份人性格好識得 「就」人 。對好多野都唔會有咩怨言。但佢份人最憎人唔去努力唔去嘗試。間接黎講姐係要求好高。可能係因為佢自己本身好勁既關係。單獨睇戲行街食野果D都會有。但唯一問題係,可能佢平時食慣好野。所以食野都要食到好好同好貴果D。雖然間唔中都會食平野,但主要係貴野為主。年紀就大我4年。另一樣就係佢係基督徒。呢樣唔介意。但如果真係同佢一齊,一定會好大壓力,要長期奮鬥人生,燃燒生命。


如果係你地,你地會點簡
簡A 就正皮
簡B 就負皮
Good10Bad26
2017/02/28, 1:42:49 下午
本貼文共有 0 個回覆
此貼文已鎖,將不接受回覆
發表文章發起投票